អ៊ុយក្រែនគ្រាំឈាម! រុស្សី បាញ់មីសុីលជាច្រើនគ្រាប់ ស្រោចដូចទឹកភ្លៀងលើទីក្រុងគៀវ
- 2022-06-27 02:40:20
- ចំនួនមតិ 0 | ចំនួនចែករំលែក 0
អ៊ុយក្រែនគ្រាំឈាម! រុស្សី បាញ់មីសុីលជាច្រើនគ្រាប់ ស្រោចដូចទឹកភ្លៀងលើទីក្រុងគៀវ
ចន្លោះមិនឃើញ
កាំជ្រួចរុស្សីរាប់សិបគ្រាប់បានវាយប្រហារគោលដៅនៅទូទាំងប្រទេសអ៊ុយក្រែន ដោយរដ្ឋធានីគៀវ បានស៊ូទ្រាំនឹងកាំជ្រួចរបស់រុស្សី ក្នុងរយៈពេលជាច្រើនខែ។
ប្លុកអគារនៅទីក្រុងគៀវ ត្រូវបានបំផ្លាញ ដោយបានសម្លាប់មនុស្សយ៉ាងហោចណាស់ម្នាក់ និងរបួស៦នាក់ផ្សេងទៀត។ អ៊ុយក្រែននិយាយថា កាំជ្រួចចំនួន ១៤ គ្រាប់ត្រូវបានបាញ់នៅតំបន់គៀវ កាលពីថ្ងៃអាទិត្យ ប៉ុន្តែការវាយប្រហារបានលាតសន្ធឹងហួសពីទីក្រុងនេះទៅទៀត។ តំបន់ផ្សេងទៀតរួមមាន ចំណុចកណ្តាលនៃទីក្រុង Cherkasy ដែលបានបណ្តាលឱ្យមនុស្សម្នាក់បានស្លាប់។
សកម្មភាពរុស្សី បាញ់មីសុីលស្រោចដូចទឹកភ្លៀងលើអ៊ុយក្រែន បានកើតឡើងនៅពេលដែលមេដឹកនាំនៃក្រុម G7 បណ្តាប្រទេសដែលមានជាងគេបំផុតនៅលើពិភពលោកបានចាប់ផ្តើមកិច្ចប្រជុំកំពូលរយៈពេល៣ថ្ងៃនៅភាគខាងត្បូងប្រទេសអាឡឺម៉ង់ ដោយយកសង្គ្រាមនៅអ៊ុយក្រែនជាប្រធានបទសំខាន់។ ប្រទេសទាំងនោះ ត្រូវបានគេរំពឹងថានឹងសន្យាផ្តល់ជំនួយយោធាបន្ថែមទៀតសម្រាប់ក្រុងគៀវ និងដាក់ទណ្ឌកម្មបន្ថែមទៀតលើក្រុងម៉ូស្គូ៕