បង្ហាញភស្តុតាង បញ្ជាក់ថាសមាជិក BTS សុទ្ធតែជាសុភាពបុរស គោរពស្ត្រីបំផុត
- 2022-07-01 03:25:47
- ចំនួនមតិ 0 | ចំនួនចែករំលែក 0
បង្ហាញភស្តុតាង បញ្ជាក់ថាសមាជិក BTS សុទ្ធតែជាសុភាពបុរស គោរពស្ត្រីបំផុត
ចន្លោះមិនឃើញ
BTS ត្រូវបានគេស្គាល់ថាជា ក្រុមតារាប្រុសដែលមានចរិតល្អ ពិសេសជាមួយនឹងនារីៗមិនថាមិត្តរួមអាជីព មិនថាជាមួយអ្នកគាំទ្រ។ ភស្តុតាងខាងក្រោមនេះគឺជា ការសង្ខេបខ្លីៗ ដែលបញ្ជាក់ថា សមាជិករបស់ក្រុមនេះ ផ្ដល់ការគោរពជូននារីៗបំផុត៖
១. ដៃដ៏មានសីលធម៌
ពេលថតរូប សមាជិករបស់ក្រុមបានគ្រប់គ្រងអារម្មណ៍ល្អណាស់ ដោយកម្រលើកដៃកៀកស្មា តារាស្រី ឬនារីណាមួយណាស់។ ផ្ទុយពីកៀកស្មាអ្នកដែលមកថតជាមួយ ពួកគេទម្លាក់ដៃចុះ ឬដាក់លើស្មាសមាជិកគ្នាឯងវិញ។ បើឱបគ្នា ក៏មិនហ៊ានឱបរឹតខ្លាំង ឬសឹងតែមិនហ៊ានយកដៃប៉ះខ្នងគេផ្ទាល់ផង។
២. ជាជំនួយការដ៏ល្អ
ដូចកាលពីកម្មវិធី KCON 2016 មេក្រុមរបស់ BTS គឺ RM បានជួយ Ailee ភ្លាមៗដោយមិនបង្អង់យូរ ពេលត្រូវចុះកាំជណ្ដើរ។ ដូច្នេះ RM ព្រមធ្វើជាបង្កាន់ដៃ ឲ្យ Ailee ទប់ឬកាន់ ដើម្បីកុំឲ្យមានគ្រោះថ្នាក់ពេលចុះ។
៣. រក្សាគម្លាតបានល្អ
ស្ថិតក្នុងកម្មវិធីប្រគល់ពានមួយ RM ប្រយ័ត្នប្រយែងណាស់ ពេលឈរជិត IU ព្រោះខ្លាចជាន់រ៉ូបរបស់នាង ឬកៀកនាងពេក។ ចូលដល់ Jin និង Chanyeol (EXO) ក៏មិនខុសគ្នា ព្រោះនាមជាពិធីករដល់ទៅ ២នាក់ និងមានតែពិធីការិនីតែមួយគឺ Irene (Red Velvet) ពួកគេឈរឃ្លាតពីនាងឆ្ងាយណាស់ រហូតដល់ពេលត្រូវថតរូប ទើបខិតជិតបន្តិច ប៉ុន្តែក៏នៅតែរក្សាគម្លាត សឹងមិនឲ្យប៉ះសក់នាងផង។
៤. ជួយអ្នកគាំទ្រនៅនឹងមុខ
បើមិនជួយវាមិនសម ប៉ុន្តែពេលខ្លះពួកគេធ្វើមិនដឹងក៏បាន ប៉ុន្តែនាមជាមនុស្សចិត្តទូលាយ ពេលឃើញ Fan រអិលភ្លាម V បោះដៃលើកនាងឡើង និងសួរនាំឲ្យប្រាកដចិត្តនាងមិនអី។
ក្នុងពេលប្រគំតន្ត្រីទៀតសោត Jungkook ឃើញអ្នកទស្សនាម្នាក់ហាក់ដូចជាសន្លប់ លោកបានហុចទឹកឲ្យក្រុមការងារយកទៅឲ្យនាងញ៉ាំទៀតផង។
៥. ជាអ្នកស្ដាប់ដ៏ល្អ
ស្ថិតក្នុងពេល Fansign សមាជិក BTS ទាំងអស់ក៏មិនខុសពីតារាផ្សេងៗទៀតដែរ ប៉ុន្តែពួកគេបានស្ដាប់គ្រប់យ៉ាងដោយគោរពពី Fan ដោយទាំងទឹកមុខញញឹម និងនិយាយជាមួយ Fan ដូចមិត្តភ័ក្តិស្គាល់គ្នាយូរឆ្នាំដែរ។ មិនត្រឹមតែប៉ុណ្ណោះ ពួកគេថែមលើកកម្លាំងចិត្ត Fan ទៀត។
៦. សរសេរបទចម្រៀងលើកពីនារី
បទចម្រៀងជាច្រើនរបស់ BTS បានបង្កប់អត្ថន័យ និងលើកកម្លាំងចិត្តដល់មនុស្សគ្រប់គ្នា ប៉ុន្តែបទ «21st Century Girls» គឺពួកគេសរសេរជូនពិសេសដល់នារីៗតែម្ដង។ ទំនុកច្រៀង បានលើកតម្កើងនារីទាំងអស់ឲ្យរឹងមាំ ហើយគ្រប់គ្នាជានារីអស្ចារ្យ។
៧. BONUS: Jimin គេច មិនហ៊ានសម្លឹងដើមទ្រូងមនុស្សស្រី