បិសាច​ក្រហម​ Manchester United បាន​បន្ត​រក្សា​កំណត់​ត្រា​មិន​ចាញ់​សោះ​នៅ Europa League ​បន្ទាប់​ពី​ប្រកួត​ទី​៨​យក​ឈ្នះ​ទៅ​លើ FC SB ២-០ កាល​ពី​យប់​ថ្ងៃ​ទី​៣០ ឈាន​ចូល​​ថ្ងៃ​ទី​៣១ ខែ​មករា ឆ្នាំ​២០២៤ ។

២​គ្រាប់​របស់​បិសាច​ក្រហម​រក​បាន​ដោយ​ Diogo Dalot នៅ​នាទី​ទី​៦០​និង​ K.Mainoo នៅ​នាទី​ទី​៦៨​។ ​កា​រប្រកួត​នេះ​​ឃើញ​ថា​ បិសាច​ក្រហម​បង្ហាញ​ចង្វាក់​លេង​យ៉ាង​ល្អ​​តាំង​ពី​ដើម​តង់ ស្រប​ពេល​ដែល​ក្រុម​ម្ចាស់​ផ្ទះ​មិន​មាន​អ្វី​ជា​គ្រោះ​ថ្នាក់​សម្រាប់​ក្រុម​ភ្ញៀវ​ឡើយ។

​ជ័យជម្នះ​​លើ​ប្រកួត​ទី​៨​ជួយ​ឲ្យ​បិសាច​ក្រហម​​មានកំណត់​ត្រា​មិន​ចាញ់​នៅ Europa ពោល​គឺ​៨​ប្រកួត​ឈ្នះ​៥ ស្មើ​៣​​មាន​១៨​ពិន្ទុ​ស្ថិត​នៅ​លេខ​៣ និង​ជា​ក្រុម​ដែល​បាន​ឡើង​ទៅ​កាន់​វគ្គ​១៦​ក្រុម​ចុង​ក្រោយ​ដោយ​ស្វ័យ​ប្រវត្តិ​។ ដ្បិត​តែ​មើល​​ទៅ​ហាក់​មាន​ភាព​ជោគជ័យ​មិន​ទាន់​ស្គាល់​ពាក្យ​ថា​ចាញ់​នៅ​ពាន​រង្វាន់​ទី​២​ប្រចាំ​តំបន់​អឺរ៉ុប ប៉ុន្តែ​គេ​នៅ​តែ​ឃើញ​​ Manchester United ស្ថិត​នៅ​លេខ​រៀង​ទី​១២​ក្នុង​តារាង English Premier League នៅ​ឡើយ​៕​​