Jim Ratcliffe សង្ឃឹមថា លោក Amorim នឹងស្ថិតនៅ Manchester United រយៈពេលយូរ

2025-03-11 01:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានក្លិប Manchester United លោក Jim Ratcliffe ហាក់សម្ដែងការពេញចិត្តចំពោះការដឹកនាំរបស់លោក Ruben Amorim ខ្លាំង និងបាននិយាយពីចិត្តរបស់លោកក្នុងការចង់ឃើញអ្នកចាត់ការសញ្ជាតិព័រទុយហ្គាល់រូបនេះអាចធ្វើការស្នាក់នៅ បិសាចក្រហមរយៈពេលយូរ។

ដ្បិតតែទើបតែចូលកាន់តំណែងមិនទាន់បានមួយឆ្នាំផង ប៉ុន្តែអ្នកចាត់ការសញ្ជាតិព័រទុយហ្គាល់បានឆក់ចិត្តប្រធានក្លិបទៅហើយ។ លោក Jim Ratcliffe បាននិយាយថា «បើមើលស្ថានភាពជាក់ស្ដែងនៅពេលនេះខ្ញុំមើលឃើញថាលោក Ruben Amorim ពិតជាធ្វើការងាររបស់គាត់ល្អ។ សម្រាប់ជម្រើសនាពេលបច្ចុប្បន្ន ខ្ញុំនិយាយដោយស្មោះត្រង់គាត់ជារៀបចំបានល្អហើយ»។

លោកបានបន្ថែមទៀតថា Amorim ជាអ្នកចាត់ការវ័យក្មេងដ៏ល្អម្នាក់ គ្រប់យ៉ាងគឺគេធ្វើការងារបានល្អ លោកសង្ឃឹមថា អ្នកចាត់ការម្នាក់នេះនឹងអាចធ្វើយ៉ាងភ្ញាក់ផ្អើលហើយអាចបន្តដឹកនាំបិសាចក្រហមឲ្យវិលទៅរកភាពខ្លាំងវិញបាន។ ជាងនេះទៅទៀតលោកសង្ឃឹមថា Amorim នឹងអាចស្ថិតនៅទឹកដីបិសាចក្រហមយូរអង្វែងតទៅទៀត។

គ្រប់គ្នាបានដឹងហើយថា បច្ចុប្បន្នការដឹកនាំរបស់ Amorim មិនជោគជ័យទេក្នុង English Premier League ប៉ុន្តែទន្ទឹមនឹងនោះបិសាចក្រហមកំពុងតែមានកីឡាកររបួសយ៉ាងច្រើន ក្នុងនោះគិតទាំងកីឡាករឆ្នើម និងកីឡាករផ្សេងៗល្បាក់ចូល១១នាក់ទៅហើយ គិតត្រឹមថ្ងៃទី១១ខែមីនា ឆ្នាំ២០២៥។ ខណៈដែលការប្រកួតនៅ UEFA Europa League បិសាចក្រហមនៅមិនទាន់ចាញ់ទេ ដូច្នេះវាជាចំណុចល្អមួយដែលអ្នកចាត់ការរូបនេះធ្វើបាន៕