គំនិតច្នៃប្រឌិតថ្មី យកកុងតឺន័រសាងសង់ធ្វើ Pub

2015-08-28 18:41:44
ចំនួនមតិ 0 | ចំនួនចែករំលែក 0

ចន្លោះមិនឃើញ

Pub មួយដែលត្រៀមនឹងបើដំណើរការនៅប្រមាណ១ខែទៀតនេះ ត្រូវបានម្ចាស់បង្កើតគំនិតច្នៃប្រឌិតថ្មី ដោយយកកុងតឺន័រជាច្រើនមកតម្រៀប និងច្នៃធ្វើជា Pub របស់ខ្លួន។

ទីកន្លែងកម្សាន្តពេលរាត្រីមួយនេះ ត្រូវបានឈ្មោះថាជា "កុងតឺន័រ Pub" តែម្ដង ឬហៅជាភាសាអង់គ្លេសថា "K-Race" ជាមួយទុនវិនិយោគប្រមាណជាង ២០ម៉ឺនដុល្លារសហរដ្ឋអាមេរិក។ លោក ធី ខេមរិន ជាម្ចាស់ក្លឹប ថ្លែងថា លោកធ្វើដូច្នេះ ដោយសារមើលឃើញថា នៅស្រុកខ្មែរអត់មាននរណាធ្វើ ទើបលោកធ្វើឲ្យបានមុនគេ។

លោក ថ្លែងថា "ស្រុកយើងអត់ទាន់មាននរណាគេធ្វើទេ កុងតឺន័រភាគច្រើនគេយកទៅធ្វើ ការិយាល័យ ឬផ្ទះចល័តទេ អីចឹងហើយខ្ញុំខំរិះរកអ្វីដែលថ្មី ព្រោះដឹងប្រជាពលរដ្ឋយើងចូលចិត្តអ្វីដែលថ្មីហើយប្លែក"។

កុងតឺន័រប្រមាណជាង ២០ ទំហំខុសគ្នា ត្រូវបានយកមកតម្រៀបធ្វើជាកន្លែងផ្សេងៗបង្កើតបានជា Pub ដែលច្នៃដោយវិស្វករខ្មែររស់នៅប្រទេសកាណាដា ហើយបើតាមម្ចាស់ក្លឹបដដែលបានអះអាងថា Pub ដែលច្នៃរបៀបនេះ គឺមានសំឡេងភ្លេងងំល្អជាងការដែលធ្វើពីឥដ្ឋ និងស៊ីម៉ង់ធម្មតា។ ជាមួយនឹងការច្នៃប្រឌិតថ្មីនេះ លោក ខេមរិន មានជំនឿថា ជំនួញទី១របស់លោកនឹងទទួលបានគាំទ្រ។

មិនត្រឹមតែកុងតឺន័រ ប៉ុន្តែនៅមានបំណែកយានយន្ត ពិសេសម៉ូតូជាច្រើនទៀតមានជាអាទិ៍ ច្រវ៉ាក់ មីញ៉ុង បូម ជាដើម ក៏ត្រូវយកមកប្រើដើម្បីរចនាបន្ថែមសោភណ្ឌដល់ Pub មួយនេះដែរ។ម្ចាស់ក្លឹបដែលមាននិស្ស័យចូលចិត្តការបើកបរម៉ូតូធំៗ " ច្រវ៉ាក់ មីញ៉ុង អី យើងយកមកដាក់តាំងលម្អ ហើយបូមអីផ្សេងៗ យើងយកមកធ្វើតុ ធ្វើជាសាឡុងសម្រាប់ភ្ញៀវអង្គុយអីចឹងទៅ និយាយទៅ គឺយើងធ្វើពីគ្រឿងយន្តទាំងអស់តែម្ដង ហើយឲ្យប្លែកពីគេ"។

លោកបានបង្ហើបទៀតថា តាមតែលោកដឹង គំនិតច្នៃប្រឌិតរបស់លោកនេះ មានគេចង់ចម្លងម៉ូដតាមហើយ។ ដូច្នេះហើយ ទើបលោកកំពុងតែប្រញឹកដំណើរការសាងសង់ឲ្យឆាប់រួចរាល់ និងបានដាក់ដំណើរការឆាប់ៗតាមតែអាចធ្វើបាន។ "ខ្ញុំដឹងថាគេចង់ធ្វើតាម អីចឹងហើយបានបង្ខំឲ្យលឿន បើគេចម្លងក៏ចម្លងទៅ តែហោចណាស់យើងចេញបានមុនគេដែរ"។

កុងតឺន័រ Pub ឬ K-Race មានទីតាំងនៅម្ដុំខាងលិចក្រុមហ៊ុនម៉ូប៊ីថែល។ Pub នេះត្រៀមនឹងបើកដំណើរការប្រមាណជាង១ខែទៀត។ ម្ចាស់ក្លឹបបានអះអាងថា ក្លឹបរបស់លោកនឹងមានលក្ខណៈពិសេសប្លែកពីគេ៕

អត្ថបទ៖ ទារិកា

ពាក្យទាក់ទង

ក្លឹបរាត្រី

អត្ថបទពេញនិយម

ដឹងហើយ អ្នកនៅពីក្រោយនៃការអភិវឌ្ឍប្រឡាយបេតុងក្នុងវាលស្រែដ៏ស្រស់ស្អាត ដែលកំពុងល្បីលើបណ្តាញសង្គម

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

វត្ដមានរោងចក្រផ្គុំ និងដំឡើងរថយន្តតូយ៉ូតា ប្ដេជ្ញាអភិវឌ្ឍសេដ្ឋកិច្ច និងធនធានមនុស្សនៅកម្ពុជា

Toyota នឹងដំឡើងរថយន្ត Fortuner និងភីកអាប់ Hilux នៅកម្ពុជា ប្រមាណ ១៣២០គ្រឿងក្នុងឆ្នាំនេះ

ឆ្នាំមុនពឹងឈើច្រត់ ឆ្នាំនេះ យូប៊ីន ត្រៀមដើរកម្រលព្រំក្រហមទីក្រុងកានដោយភាពជឿជាក់

តិចអត់ដឹង! ផ្លូវជាតិលេខ៥ ម្តុំផ្លូវវាងក្រុងកំពង់ឆ្នាំង ត្រូវបានដំឡើងឧបករណ៍រាប់ចំនួន និងការប្រើប្រាស់ល្បឿនយានយន្ត

អត្ថបទថ្មី

អាស៊ានមានសាកលវិទ្យាល័យ ២ ដែលជាប់ក្នុងចំណាត់ថ្នាក់សាលាកំពូលទាំង ១០ នៅអាស៊ី

Ten Hagថា Man Utd ពិតជាធ្លាប់ទាក់ទងចង់បាន Harry Kane

Postecoglou ទទួលស្គាល់ថា Spurs ពិតជាលេងមិនកើតក្នុងប្រកួតតទល់នឹង Chelsea

បង្ហាញមុខប្រធានសមាគមសិល្បករខ្មែរទាំង ៦ អាណត្តិ

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

Tesla ទើបតែចេញឡានអគ្គិសនី ប្រភេទ Performance ថ្មី ជាន់ពីកុងទ័រ 0-100 KM/H ប្រើពេលត្រឹម 2.9 វិនាទីប៉ុណ្ណោះ!