រហាត់ទឹក មិនឆ្ងាយពីក្រុងប្លែកមាត់មាន់ដុតនិងប្រហុកសៀមរាប
- 2016-04-17 18:03:41
- ចំនួនមតិ 0 | ចំនួនចែករំលែក 0
រហាត់ទឹក មិនឆ្ងាយពីក្រុងប្លែកមាត់មាន់ដុតនិងប្រហុកសៀមរាប
ចន្លោះមិនឃើញ
ថ្ងៃនេះពលរដ្ឋមួយចំនួនដែលមកលេងកម្មវិធីអង្គរសង្រ្កាន្តនៅខេត្តសៀមរាប អាចធ្វើដំណើរត្រឡប់ទៅលំនៅដ្ឋានវិញ ឬមួយចំនួនអាចបន្តស្នាក់នៅមួយយប់ទៀត ដើម្បីដើរកម្សាន្តឲ្យអស់ចិត្តអស់ចង់មុនទៅវិញ។ យ៉ាងណា មុនត្រឡប់ទៅលំនៅដ្ឋានវិញ Sabay ចង់ណែនាំប្រិយមិត្តពីរមណីយដ្ឋានដ៏គួរឲ្យចាប់អារម្មណ៍មួយ ដែលនៅមិនឆ្ងាយពីក្រុងសៀមរាបគឺរមណីយដ្ឋានរហាត់ទឹក។
ធ្វើដំណើរពីក្រុងសៀមរាបឆ្ពោះតាមផ្លូវសួនឧទ្យានអង្គរដល់ផ្លូវបំបែកបត់ស្តាំវង់ខាងក្រោយប្រាសាទអង្គរបានជាង ១ គីឡូម៉ែត្រនឹងទៅដល់រមណីយដ្ឋានរហាត់ទឹក។
អ្នកភ្នំពេញឬខេត្តមួយចំនួនអាចមិនស្គាល់ សូម្បីតែក្រុមការងារ Sabay មួយចំនួនក៏មិនស្គាល់ដែរ ទើបតែបានទៅកម្សាន្តក្នុងអំឡុងចូលឆ្នាំនេះទេ។
បទពិសោធន៍ដែលក្រុមការងារ Sabay ចង់ចែករំលែកហើយចង់បងប្អូនទៅលេងទីនោះ ពីព្រោះវានៅមិនឆ្ងាយពីក្រុងសៀមរាប និងវាមានភាពទាក់ទាញផងដែរ។ រមណីយដ្ឋាន រហាត់ទឹក អ្វីដែលចាប់អារម្មណ៍គឺទីនោះមានទឹកហូរយ៉ាងត្រជាក់ហូរធ្លាក់ពីភ្នំគូលែន ដែលអាចបងប្អូនចុះងូតទឹកកម្សាន្តផ្សំអាកាសធាតុក្តៅផង និងមានរហាត់ទឹកដ៏ធំដែលអាចថតរូបជាអនុស្សាវរីយ និងដើមឈើតូចធំព័ទ្ធជុំជិតនាំភាពរីករាយក្នុងចិត្ត។
និយាយពីម្ហូបអាហារក៏មិនបាច់បារម្មណ៍។ មានសេវាកម្មយ៉ាងល្អហើយម្ហូបក៏ឆ្ងាញ់ដែរ។ ប្រាប់តិចចុះ ក្រុមការងារ Sabay ក៏ប្លែកមាត់ម្ហូបអាហារនៅទីនោះដែរជាពិសេសមាត់ដុត និងប្រហុកសៀមរាប។
រៀបរាប់ប៉ុណ្ណឹងបានហើយ។ បើប្រិយមិត្តមកលេងសៀមរាប អាចទៅផ្ទាល់រមណីយដ្ឋានរហាត់ទឹក។