សូលទីឡូអង្គរ ចង់បានលទ្ធផលល្អមួយពេលទៅលេងពានធំនៅចិនដើមខែធ្នូ

2017-10-19 02:33:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប សូលទីឡូអង្គរ ត្រូវបានសហព័ន្ធបាល់ទាត់ខេត្តយូណានរបស់ប្រទេសចិន អញ្ជើញឲ្យទៅចូលរួមប្រកួតពានរង្វាន់ធំមួយនៅទីនោះ ដែលគ្រោងចេញដំណើរថ្ងៃទី៥ ខែធ្នូ ឆ្នាំ២០១៧ ខាងមុខនេះ។

លោក ជា ម៉េងលី

បើតាមសម្ដីលោក ជា ម៉េងលី អ្នកចាត់ការទូទៅក្លឹប សូលទីឡូអង្គរ បានឲ្យដឹងថា ពានរង្វាន់នេះមានក្រុមចូលរួមចំនួន ១៦ មកពីប្រទេសក្នុងតំបន់អាស៊ាន និងជប៉ុន រួមទាំងចិនជាម្ចាស់ផ្ទះ។ ក្លឹបចូលរួមសុទ្ធតែលេងនៅលីគកំពូលរបស់ប្រទេសនីមួយៗ។

លោកបន្ថែមថា ការចូលរួមពាននៅចិននេះក្លឹបរបស់លោក នឹងធ្វើការត្រៀមខ្លួនឲ្យបានល្អ ជាមួយការនាំចូលកីឡាករថ្មីៗ ពិសេសគឺកីឡាករបរទេសតែម្ដង។ សម្រាប់ទិសដៅរបស់ក្លឹបគឺ នឹងប្រជែងយកលទ្ធផលល្អមួយជូនជាតិ ក្នុងនាមក្លឹបតំណាងឲ្យកម្ពុជា។

សូលទីឡូអង្គរ ទើបតែបានឡើងមកលេងលីគកំពូលកម្ពុជាក្រោយបញ្ចប់ត្រឹមចំណាត់ថ្នាក់លេខ ៤ ក្នុងតារាងលីគទី២ របស់កម្ពុជា៕

អត្ថបទ៖ ស្រី សុវណ្ណដារ៉ា