លេងស្មៅសិប្បនិម្មិតចំណេញកម្ពុជា? Felix ក៏មានយោបល់លើរឿងនេះដែរ
- 2019-09-09 05:03:35
- ចំនួនមតិ 0 | ចំនួនចែករំលែក 0
លេងស្មៅសិប្បនិម្មិតចំណេញកម្ពុជា? Felix ក៏មានយោបល់លើរឿងនេះដែរ
ចន្លោះមិនឃើញ
“លេងលើស្មៅសិប្បនិម្មិត មិនប្រាកដថាចំណេញមកខាងក្រុមកម្ពុជាទេ ព្រោះកីឡាករមួយចំនួនរបស់កម្ពុជាក៏លេងនៅស្មៅធម្មជាតិដែរ”។ សម្ដីរបស់លោក Felix គ្រូបង្វឹកជម្រើសជាតិកម្ពុជា។
សន្និសីទកាសែតមុននេះ លោក Sousa គ្រូបង្វឹកបារ៉ែន បានបញ្ជាក់ថារឿងស្មៅសិប្បនិម្មិតនឹងផ្ដល់ផលវិជ្ជមានសម្រាប់ក្រុមកម្ពុជា ព្រោះក្រុមរបស់លោកទម្លាប់លេងលើស្មៅធម្មជាតិច្រើនជាង។ រឿងមួយនេះដែរ លោក Felix គ្រូបង្វឹកក្រុមជម្រើសជាតិកម្ពុជាវិញក៏និយាយដែរថា មិនប្រាកដផ្ដល់ផលល្អសម្រាប់កម្ពុជានោះទេ។
គ្រូបង្វឹកសញ្ជាតិអាហ្សង់ទីន បានប្រាប់ដូច្នេះ ថាកីឡាករមួយចំនួនរបស់លោកក៏លេងស្មៅធម្មជាតិច្រើនដែរ ដូច្នេះលេងលើទីលានពហុកីឡដ្ឋានជាតិនេះ ក៏មិនចំណេញអ្វីសម្រាប់ក្រុមកម្ពុជាច្រើនឡើយ។ អ្វីដែលលោកចង់ផ្ដោតគឺទម្រង់លេងជាក្រុមរបស់កម្ពុជាច្រើនជាង៕