វេលាដ៏អាម៉ាស់ចារជាប្រវត្តិសាស្ត្ររបស់តារាកូរ៉េ ពេលកាច់រាងលើកម្រាលព្រំក្រហម

2018-07-30 08:24:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាទូទៅតារាកូរ៉េ តែងប្រុងប្រយ័ត្នជានិច្ចនូវកាយវិការមួយចំនួនដែលពួកគេបង្ហាញចេញនៅទីសាធារណៈ ឬក្នុងកម្មវិធីផ្សេងៗ ពិសេសពេលមានវត្តមានលើកម្រាលព្រំក្រហម។ កន្លែងនោះ គឺជាទីដែលតារាសម្ដែង តារាចម្រៀង ម៉ូដែល មានឱកាសបញ្ចេញមន្តស្នេហ៍ទីកាន់ប្រព័ន្ធផ្សព្វផ្សាយ ក៏ដូចជាមហាជនជាច្រើន។ ប៉ុន្តែទីនោះ ក៏ជាកន្លែងដែលតារាទាំងនោះត្រូវប្រុងប្រយ័ត្នខ្ពស់ដែរ។

ទាក់ទងនឹងចំណុចនេះ ក៏មានតារាមួយចំនួនបានក្លាយជាប្រធានបទធំៗប្រចាំបណ្ដាញផ្សព្វផ្សាយ និងត្រូវបានចាត់ទុកជារឿងរ៉ាវអាម៉ាស់ជាប្រវត្តិសាស្ត្រក្នុងពិភពសិល្បៈកូរ៉េ។

១. តារាសម្ដែង Oh In Hye

បង្ហាញខ្លួនជាមួយរ៉ូបពណ៌ក្រហមដ៏សិចស៊ីកាលពីឆ្នាំ ២០១១ In Hyeត្រូវបណ្ដាញសារព័ត៌មានផ្ដោតការចាប់អារម្មណ៍ជាខ្លាំង។

ឈុតសិចស៊ីមួយសម្រាប់នោះ ក៏រងនូវពាក្យរិះគន់គួរសមដែរ ព្រោះវាសឹងតែលេចចេញផ្នែកសំខាន់ល្វែងលើនៃរាងកាយនាងទៅហើយ។

២. តារាសម្ដែង Lee Chae Young

អំឡុងពេលចូលរួមក្នុងកម្មវិធី Seoul Drama Awards ឆ្នាំ ២០១០ តារាសម្ដែង Lee Chae Young ក៏បានក្លាយជាតារាស្រីដែលមានមុខលើសារព័ត៌មានជាច្រើនដោយសារឈុតសិចស៊ីរបស់នាងនៅថ្ងៃនោះដែរ។

៣. តារាសម្ដែង Ha Na Kyung

ចំណែក តារាស្រីរូបនេះវិញ មិនត្រឹមតែចំហល្វែងលើទេ ថែមទាំងបង្ហាញសាច់ភ្លៅសខ្ចីទៀត។ គ្រប់គ្នា គ្រាន់តែឃើញឈុតរបស់នាងភ្លាម ពួកគេបុកពោះជំនួសបាត់ទៅហើយ ថាប្រសិនដើរមិនស្រួលអាចក្រឡាច់ជើងដួលបាន។

ទីបំផុតអ្វីដែលបានគិតក៏កើតឡើងមែន គឺ Na Kyung បានជំពប់ជើងដួល រហូតលេចចេញដើមទ្រូង នៅចំពោះមុខអ្នកគ្រប់គ្នា។

៤. តារាសម្ដែង Yeo Min Jung

ដោយសាររ៉ូបរបស់ខ្លួនសិចស៊ីពេក Min Jung ខំយកស្កុតមកបិទនៅកៀនឃ្លៀក និងកន្លែងឆែកនៅលើភ្លៅ ប៉ុន្តែយ៉ាងណាវានៅតែមិនអាចលាក់ពីភ្នែកមហាជន នូវកន្លែងបិទបាំងបាន។

៥. តារាសម្ដែង Lee Jin Joo

ទោះបីធាត់មែន ប៉ុន្តែតារាស្រីរូបនេះចូលចិត្តជ្រើសរ៉ូបសិចស៊ីមកស្លៀកណាស់។ ត្បិតពេលខ្លះ នាងត្រូវដួលទាក់ជើងដោយសារឈុតទាំងនោះ ក៏នាងពេញចិត្តនឹងស្លៀក។

៦. តារាសម្ដែង Nancy Lang

កាលពីពេលថ្មីៗនេះ Nancy បានធ្វើឲ្យគ្រប់គ្នាបើកភ្នែកធំៗ ដោយសារវត្តមានក្នុងកម្មវិធី Bucheon International Fantastic Film Festival 2018។

បង្ហាញខ្លួននៅពេលនោះ នាងជ្រើសយកឈុតខ្មៅ ចំហទ្រូងស្លៀកគ្មានញញើត បង្អួតភ្នែកមហាជន។

៧. តារាសម្ដែង Goo Hye Sun

សម្រាប់តួឯកស្រីក្នុងរឿង "Boys Over Flower” នេះវិញ មិនបានបង្ហាញខ្លួនជាមួយសភាពសិចស៊ីទេ ប៉ុន្តែការតុបតែងមុខមាត់របស់នាងទៅវិញទេ ដែលនាំឲ្យគ្រប់គ្នាចាប់អារម្មណ៍។ Hye Sun ផាត់មុខសស្គុះ បន្ថែមជាមួយក្រែមពណ៌ឈាមជ្រូកមិនធ្លាប់ឃើញពីមុន។ លើសពីនេះ បើក្រឡេកមើលរាងរបស់នាង ក៏ដូចជាមានសាច់មានឈាមជាងមុនដែរ ទើបធ្វើឲ្យមជ្ឈដ្ឋានមួយចំនួនគិតថា នាងមានទម្ងន់៕