បញ្ហាចំបងរបស់យុវវ័យនាពេលបច្ចុប្បន្ននេះ គឺពួកគេប្រើពេលវេលានៅពេលយប់ច្រើនជាងពេលថ្ងៃ សម្រាប់ការរៀន ក៏ដូចជាការប្រើប្រាស់ឧបករណ៌ Technology ដូចជា ទូរសព្ទ កំព្យូទ័រ ជាដើម។ ដែលទាំងអស់នេះជាកត្តាធ្វើអោយពួកគេចូលគេងយប់ជ្រៅ ឬ ពេលខ្លះគេងមិនបានគេងតែម្តង។

ខាងក្រោមនេះជាកត្តាមួយចំនួនដែលធ្វើអោយអ្នកគេងយប់ជ្រៅ ៖

• ការប្រើពន្លឺភ្លើងក្នុងបន្ទប់ខ្លាំងពេក

• ការលែងទូរសព្ទរហូតដល់វិនាទីចុងក្រោយនៃការគេង (មើលរឿង តភាគអ្វីជាដើម)

• ការប្រើឧបករណ៌ដែលមានភ្លើពណ៌ខៀវ (Blue light) ដូចជា កំព្យូទ័រ ទូរសព្ទ IPad ជាដើម

• ការញ៉ាំស្រា និង ជក់បារី មុនពេលចូលគេង

• ញ៉ាំអាហារច្រើននៅពេលល្ងាច

• គេងថ្ងៃច្រើនម៉ោង

មូលនិធិគេងជាតិសហរដ្ឋអាមេរិកបានផ្តល់ជូននូវវិធីសាស្ត្រមួយចំនួន ដើម្បីអ្នកគេងលក់បានស្រួល និងស្កប់ស្កល់ ៖

• ទម្លាប់ចូលគេងក្នុងម៉ោងតែមួយរាល់យប់ សូម្បីតែពេលចុងសប្តាហ៌ក៏ដោយ

• ប្រើពន្លឺភ្លើងតិចៗ បែបស្រាលស្រទន់ នៅក្នុងបន្ទប់ ដើម្បីសម្រួលចង្វាក់រាងកាយរបស់អ្នក

• រក្សាសីតុណ្ហភាពក្នុងបន្ទប់គេងអោយត្រជាក់ល្មម

• ប្រើពួក ខ្មើយ ដែលមានផាសុកភាព

• ងូតទឹកយ៉ាងតិច៣០នាទី មុនគេង

• ចៀសវាងប្រើទូរសព្ទ ១ឬ២ម៉ោង មុនពេលគេង

ប្រភព៖ Health.com.kh   កែសម្រួលដោយ ៖ ឈឹម សៅភារ៉ា