Barca ចង់ដូរ Rakitic យក Pjanic តែ Juventus បដិសេធ
- 2020-05-19 02:50:35
- ចំនួនមតិ 0 | ចំនួនចែករំលែក 0
Barca ចង់ដូរ Rakitic យក Pjanic តែ Juventus បដិសេធ
ចន្លោះមិនឃើញ
បើផ្អែកតាមគេហទំព័រ Goal ក្លឹប Barcelona បានផ្ដល់ Ivan Rakitic ទៅកាន់ Juventus ដើម្បីប្ដូរយក Miralem Pjanic មកវិញ ប៉ុន្តែត្រូវក្រុមសេះបង្កង់បដិសេធ ព្រោះក្លឹបយក្សអ៊ីតាលីមួយនេះ មិនចាប់អារម្មណ៍លើខ្សែបម្រើសញ្ជាតិក្រូអាត។
ប្រភពបានបន្តថា ក្លឹបអ្នកមានបុណ្យចង់បានកីឡាករសញ្ជាតិបូស្នៀនៅរដូវក្ដៅខាងមុខ ប៉ុន្តែដោយវិបត្តិហិរញ្ញវត្ថុនៃរោគរាតត្បាតកូរ៉ូណា ទើបពួកគេរកផ្លូវដោះស្រាយតាមរយៈប្ដូរកីឡាករគ្នា។
ហេតុអ្វី Bacelona ចង់បាន Pjanić? Pjanić វ័យ៣០ឆ្នាំ បានចាប់ផ្ដើមអាជីពបាល់ទាត់ដំបូងជាមួយក្លឹប Metz និងលេងបានមួយរដូវកាល។ គេបានផ្លាស់ទៅ Lyon ក្នុងឆ្នាំ២០០៨ និងលេងបានបីរដូវកាល មុនទៅ Roma ឆ្នាំ២០១១។ អំឡុងពេលនៅទីក្រុង Rome ខ្សែបម្រើ Pjanić ត្រូវបានគេចាត់ទុកជាកីឡាករល្អម្នាក់នៅ Serie A។ ឆ្នាំ២០១៦ គេបានចូលរួមជាមួយ Juventus និងបានក្លាយជាខ្សែបម្រើល្អមួយរូបនៅក្នុងទីក្រុង Turin រហូតដល់បច្ចុប្បន្ន។
ចំណែក Rakitic ដែល Barcelona ចង់ប្ដូរនេះក៏មិនធម្មតាដែរ គេជាខ្សែប្រើល្អមួយរូបនៅ Camp Nou និងជម្រើសជាតិក្រូអាត។ គេបង្ហាញខ្លួន ១៩០ប្រកួតឱ្យក្រុមគូប្រជែងស៊ីសាច់ហុតឈាម Real Madrid និងរកបាន ២៤គ្រាប់ក្នុងនាមជាខ្សែបម្រើ ចាប់តាំងចេញពី Sevilla មកលេងឱ្យក្លឹបនៅតំបន់កាតាឡាន់ក្នុងឆ្នាំ ២០១៤។
យ៉ាងណាបច្ចុប្បន្ន Rakitic មានវ័យកាន់តែច្រើនពោលគឺ៣២ឆ្នាំ និងមិនសូវបានលេងប៉ុន្មានទេក្នុងរដូវកាលនេះ បន្ទាប់ពីខ្សែបម្រើ២៣ឆ្នាំ Frenkie de Jong មកចូលរួមជាមួយ Barcelona មក។
ទោះបីជាយ៉ាងណា ការផ្ដល់ជូនរបស់ Barca ដើម្បីបាន Pjanic នេះត្រូវបានក្រុមកំពូលតារាង Juve បដិសេធ ប៉ុន្តែមានដំណឹងថាមានកីឡាករ Aethur របស់ក្លឹបអ្នកមានបុណ្យតែមួយគត់ ដែលក្រុមសេះបង្កង់ចង់បាននារដូវក្ដៅខាងមុខ។ ទន្ទឹមនឹងនេះក្លឹបសេះបង្កង់ក៏បានច្រានចោលព័ត៌មាន ក្លឹបយល់ព្រមចុះកុងត្រាយក Nelson Semedo ពី Barcelona ក្នុងតម្លៃ ២២លានផោនបូកបន្ថែម Pjanic និង Matteo De Sciglio ដូចដែលបានចុះផ្សាយលើសារព័ត៌មានអេស្ប៉ាញកាលពីពេលថ្មីៗ៕