Sancho អាចប្រឈមនឹងទណ្ឌកម្ម ក្រោយបង្ហាញសាររកយុត្តិធម៌ឱ្យ George Floyd
- 2020-06-02 04:11:47
- ចំនួនមតិ 0 | ចំនួនចែករំលែក 0
Sancho អាចប្រឈមនឹងទណ្ឌកម្ម ក្រោយបង្ហាញសាររកយុត្តិធម៌ឱ្យ George Floyd
ចន្លោះមិនឃើញ
ខ្សែប្រយុទ្ធវ័យក្មេង Jadon Sancho អាចប្រឈមនឹងការដាក់ទណ្ឌកម្ម របស់គណៈកម្មការបាល់ទាត់អាល្លឺម៉ង់ ក្រោយរូបគេបង្ហាញសារលើអាវយឺតក្នុង "ស្វែងរកយុត្តិធម៌ឱ្យ George Floyd” បន្ទាប់ស៊ុតចូលក្រុម Paderborn កាលពីយប់ថ្ងៃច័ន្ទ។
ចំណែកមិត្តរួមក្រុម Achraf Hakimi ពេលស៊ុតឱ្យ Dortmund ឈ្នះ Paderborn ៦-១ ក៏បានបង្ហាញសារលើអាវដូចគ្នានឹងកីឡាករសញ្ញជាតិអង់គ្លេសដែរ។
Piara Powar នាយកប្រតិបត្តិនៃបណ្ដាញកិច្ចការប្រឆាំងការរើសអើងពូជសាសន៍បាល់ទាត់ បានរិះគន់ចំពោះទង្វើបែបនេះ។
លោក Powar និយាយថា ៖«ទង្វើរបស់ Jadon Sancho ឬកីឡាករដទៃទៀត ដែលបង្កើតបានជាសេចក្ដីថ្លែងមួយ ដើម្បីគាំទ្រដល់បុរសម្នាក់ត្រូវបានគេសម្លាប់ដោយអយុត្តិធម៌នេះ គឺជាការសម្រេចចិត្តមិនត្រូវត្រូវ។ នេះមិនមែនជារឿងនយោបាយ ឬបញ្ហាគំរាមកំហែងដល់បាល់ទាត់ទេ ប៉ុន្តែវាគ្រាន់ជាការបង្ហាញការព្រួយបារម្ភ និងសាមគ្គីភាព ចេញពីកីឡាករដែលជាជនជាតិភាគតិចប៉ុណ្ណោះ (កីឡាករស្បែកខ្មៅ)»។
តាមច្បាប់ការប្រកួតរបស់ FIFA (law 4 of FIFA's Laws of the Game) កីឡាករទាំងអស់មិនត្រូវបង្ហាញខោអាវក្នុងបង្ហាញពីចេតនានយោបាយ សាសនា ពាក្យស្លោកផ្ទាល់ខ្លួន សេចក្ដីថ្លែង ឬរូបភាព ឬការផ្សព្វផ្សាយ ក្រៅពីស្លាកសញ្ញារបស់អ្នកផលិតឡើយ។ បើមិនដូច្នេះទេ នឹងត្រូវដាក់ទណ្ឌកម្មដោយអ្នករៀបចំការប្រកួត ឬ FIFA។
ការបង្ហាញសាររបស់ Sancho ធ្វើឡើងដើម្បីស្វែងរកយុត្តិធម៌ឱ្យជនជាតិស្បែកខ្មៅម្នាក់ឈ្មោះ Floyd ដែលត្រូវបានប៉ូលិសស្បែកសក្នុងទីក្រុង Minneapolis ម្នាក់ យកជង្គង់សង្កត់លើ-ក-ច្រើនជាង៨នាទី រហូតដាច់ខ្យល់ស្លាប់ កាលពីថ្ងៃច័ន្ទ។ ក្រុមប៉ូលិសដែលធ្វើការក្នុងប្រតិបត្តិការនេះ ត្រូវបានបណ្ដេញចេញពីតំណែង ចំណែកជនបង្កត្រូវបានចោទប្រកាន់ និងចាប់ខ្លួនដើម្បីកាត់ទោសតាមផ្លូវច្បាប់។
ចំណែកគណៈកម្មការបាល់ទាត់អាល្លឺម៉ង់កាលពីព្រឹកថ្ងៃច័ន្ទ ក៏បានអះអាងដែរថាពួកគេកំពុងធ្វើការលើរឿងនេះ ហើយបើរកឃើញថាក្រុមកីឡាករ ពិតជាមានកំហុសមែននោះ ពួកគេនឹងត្រូវពិន័យ ឬផ្អាកការសកម្មភាព៕