ជប៉ុន ថាព្រឹត្តិការណ៍កីឡាអូឡាំពិកនៅតូក្យូ មិនអាចធ្វើឡើងបានទេ

2021-01-22 03:42:44
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលជប៉ុន បានបើកការប្រជុំសម្ងាត់មួយកាលពីពេលកន្លងទៅ ដើម្បីជជែកពីការសម្រេចចិត្តរំសាយចោលការប្រកួតកីឡាអូឡាំពិកក្នុងប្រទេសរបស់ខ្លួនចោលតែម្ដង។

កាលពីឆ្នាំមុន ជប៉ុនបានប្រកាសលើកការប្រកួតកីឡាអូឡាំពិកនេះមកឆ្នាំ២០២១វិញ ដោយសារមេរោគកូវីដ១៩ផ្ទុះខ្លាំង។ ១ឆ្នាំមកនេះ កូវីដ១៩ មិនបានធូរស្បើយនោះទេ ផ្ទុយទៅវិញវាបានបម្លែងខ្លួនទៅជាប្រភេទថ្មីជាច្រើនដែលអាចឆ្លងលឿនជាងមេរោគដំបូងទៅទៀត។ ដោយនៅជប៉ុន ក៏បានរកឃើញប្រភេទថ្មីខុសពីនៅអង់គ្លេស និងតំបន់អាហ្វ្រិកផងដែរ។

កត្ដាមិនធូរស្បើយនេះហើយ ទើបបានជាជប៉ុនសម្រេចចិត្តថាការប្រកួតកីឡាអូឡាំពិក មិនអាចបន្ដបានឡើយ។ វិធីសាស្ត្រដែលល្អបំផុតនោះគឺរំសាយការប្រកួតនេះចោលតែម្ដង ដើម្បីចូលរួមទប់ស្កាត់មេរោគកូវីដ១៩ ខ្លាចក្រែងបើកការប្រកួតទៅបែរជាក្លាយជាកន្លែងចម្លងមេរោគទៅវិញ។

ទន្ទឹមគ្នានេះដែរ IOC បានបញ្ជាក់ពួកគេមិនចង់រំសាយការប្រកួតនេះចោលនោះទេ។ ដោយសង្ឃឹមថាជប៉ុននឹងពិចារណាម្ដងទៀត ដើម្បីបើកការប្រកួតឱ្យបាននាពេលខាងមុខ ជាមួយជម្រើសជាច្រើនដែលអាចទៅរួច៕

ប្រភព៖ Dailymail ប្រែសម្រួល៖ មុន្នីរម្យ