ប្រាប់ឲ្យប្រជាជនដោះម៉ាសថ្ងៃមុន ពេលនេះអ៊ីស្រាអែល ចាប់ផ្តើមចាក់ដូសទីបី ក្រោយកូវីដវាយលុកខ្លាំង
- 2021-07-30 03:47:08
- ចំនួនមតិ 0 | ចំនួនចែករំលែក 0
ប្រាប់ឲ្យប្រជាជនដោះម៉ាសថ្ងៃមុន ពេលនេះអ៊ីស្រាអែល ចាប់ផ្តើមចាក់ដូសទីបី ក្រោយកូវីដវាយលុកខ្លាំង
ចន្លោះមិនឃើញ
អ៊ីស្រាអែលនឹងចាប់ផ្តើមចាក់វ៉ាក់សាំងការពារជំងឺកូវីដ ១៩ ដូសទីបីដល់មនុស្សដែលមានអាយុលើសពី ៦០ ឆ្នាំ ដោយធ្វើអោយប្រទេសលោកក្លាយជាប្រទេសទីមួយផ្តល់វ៉ាក់សាំងជំរុញបន្ថែមបែបនេះ។
ការចាក់ថ្នាំបង្ការរោគនឹងចាប់ផ្តើមនៅថ្ងៃអាទិត្យ ដែលជាផ្នែកមួយនៃ “យុទ្ធនាការចាក់វ៉ាក់សាំងបំពេញបន្ថែម” សម្រាប់មនុស្សដែលមានអាយុលើសពី ៦០ ឆ្នាំ ដែលបានចាក់វ៉ាក់សាំងពេញលេញកាលពីជាងប្រាំខែកន្លងទៅ ខណៈមានការព្រួយបារម្ភខ្លាំងឡើងចំពោះមេរោគ Delta ដែលឆ្លងដាលយ៉ាងរហ័ស។
មនុស្សប្រហែល ៥៥ ភាគរយនៃប្រជាជន ៩ លាននាក់របស់អ៊ីស្រាអែលត្រូវបានចាក់វ៉ាក់សាំងពីរដូស ដែលភាគច្រើនជាវ៉ាក់សាំងរបស់ក្រុមហ៊ុន Pfizer-BioNTech ដោយសារយុទ្ធនាការទ្រង់ទ្រាយធំមួយបានចាប់ផ្តើមកាលពីចុងខែធ្នូ។ អ៊ីស្រាអែលបានកត់ត្រាករណីកូវីដ១៩ជាង ១.៤០០ នាក់ក្នុងរយៈពេល ២៤ ម៉ោងចុងក្រោយនេះ។
យោងតាមក្រសួងសុខាភិបាលបានឱ្យដឹងថា បច្ចុប្បន្នមានករណីឆ្លងសកម្មជាង ១៥០០០ នាក់ ក្នុងនោះមានមនុស្ស ១៥១ នាក់កំពុងសម្រាកព្យាបាលនៅមន្ទីរពេទ្យក្នុងស្ថានភាពធ្ងន់ធ្ងរ៕