៥ដងហើយ Suga និង Jin បិទមាត់ Hater ដោយវិធីត្រជាក់ និងមុខស្មើបំផុត

2021-10-25 02:02:25
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រប់គ្នាសុទ្ធតែដឹងច្បាស់ថា Jin និង Suga (BTS) មានចរិតដូចគ្នាមួយចំនួន ដែលសមាជិកផ្សេងទៀតគ្មាន ជាពិសេសពេលប្រតិកម្មទៅនឹងអ្វីដែលពួកគេមិនពេញចិត្ត។

មិនតិចដងទេដែល អ្នកទាំង ២ តបទៅ Hater ឲ្យស្ងាត់មាត់ ដោយសារការទើសខុសរឿងរបស់ពួកគេ។ ប៉ុន្តែក្នុងចំណោមពេលទាំងនោះ សូមបង្ហាញជូនតែ ប្រតិកម្ម ៥ដង ដែលបងធំ BTS បង្ហាញកន្លងមក៖

១. តបទៅនឹងអ្វីដែលមនុស្សមួយចំនួនសរសេរមិនល្អដាក់

Suga តែងប្រាប់ទៅអ្នកគាំទ្រ ថាកុំបារម្ភពីលោកអី បើទោះលោកមិនសូវសកម្មលើអ៊ីនធើណិតក្ដី។ ជាពិសេសចំពោះអ្នកដែល ឧស្សាហ៍ Comment មិនល្អដាក់លោក ក៏លោកប្រាប់ទៅវិញដែរថា ខំសរសេរទៀតទៅ ព្រោះយ៉ាងណាក៏លោកមិនបានអានដែរ ប៉ុន្តែបើដល់កពេល លោកនឹងរកពេកដាក់ពាក្យប្ដឹងពួកគេទាល់តែអស់។

២. ពេលអ្នកសារព័ត៌មានសួរថាគិតយ៉ាងណាដែរ បើមាន BTS ទី២?

តបនឹងសំណួរនេះ Suga បាននិយាយថា «ខ្ញុំមិនគិតថាមាន BTS ទី២ទេ»។ ចម្លើយនេះគឺក្នុងន័យថា Suga សង្ឃឹមថាសង្ឃឹមថានឹងមានប្អូនៗជំនាន់ក្រោយដែលមកបន្តបង្ហាញភាពអស្ចារ្យទៅតាមទេពកោសល្យដើមរបស់ពួកគេរៀងៗខ្លួនក្នុងវិស័យនេះ។

៣. ពេលអ្នកសារព័ត៌មានសួរសំណួររសើបទាក់ទងនឹងការលួចចម្លងស្នាដៃ

Suga បានឆ្លើយសំណួរយ៉ាងខ្លីថា «ក្រុមការងារផ្នែកច្បាប់របស់ក្រុមហ៊ុនយើង កំពុងចាត់ចែងរឿងនេះហើយ ហើយគំនិតរបស់ពួកយើងក៏ដូចក្រុមហ៊ុនដែរ។ ទាក់ទងនឹងលទ្ធផលយ៉ាងណា យើងនឹងដឹងទាំងអស់គ្នាពេលចេញមក»។

៤. Jin តបនឹង Comment រិះគន់

ពេលលេងហ្គេម Jin ប្រទះឃើញ Comment ចេះពីអ្នកលេងហ្គេម។ ដោយសារវាជា Comment មិនល្អ Jin ក៏បាននិយាយថា មុននឹងសរសេរអ្វីមួយ សូមឲ្យគិតឲ្យបានល្អិតល្អន់សិន។ Jin នៅបានបន្ថែមទៀតថា ក្រុមហ៊ុនលោក បានចាត់វិធានការតបនឹងសកម្មភាពណាដែរមិនល្អចេញ ហើយលោកចង់ឲ្យគ្រប់គ្នាដឹងរឿងនេះ ហើយប្រយ័ត្នខ្លួនផងមុន Comment។ មិនចប់ត្រឹមនេះទេ Jin នៅបញ្ជាក់ទៀតថា បេះដូងលោកនឹងឈឺចាប់ បើឃើញអ្នកណាម្នាក់ត្រូវគេពិន័យ ដោយសារតែ Comment អាក្រក់ៗ។

៥. Jin តបចំពោះសកម្មភាពបន្លំបានឡើងតារាងបទចម្រៀងកំពូល

Jin ថា៖ «វិធីបន្លំច្រើន ប៉ុន្តែមិនល្អទេឬ បើផលិតបទចម្រៀងដោយផ្លូវត្រង់ៗ? ខ្ញុំសង្ឃឹមថាពេលវេលានឹងមកដល់ នៅពេលដែលគ្រប់គ្នាអាចធ្វើ ហើយស្ដាប់បទចម្រៀងដែលមានគុណភាព»។ Jin នៅបានលើកសរសើរដោយចិត្តស្មោះចំពោះអ្នកដែលមានឆន្ទៈផលិតបទចម្រៀងដោយស្មោះត្រង់ ព្រោះពួកគេពិតជាបានធ្វើវាចេញពីបេះដូង មិនមែនគ្រាន់តែចង់បានមុខទេ៕