CAMSOC៖ ចុះទៅពិនិត្យ និងប្រជុំផ្ទាល់នៅពហុកីឡដ្ឋានមរតកតេជោ ផ្ដោតលើវេទិកា បិទ បើក ពិធី

2022-09-15 10:23:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹកមិញនេះ CAMSOC ដែលដឹកនាំដោយឯកឧត្ដម ថោង ខុន និងគណៈកម្មការទីលាន ស្នាក់នៅ ហូបចុកទៅពិនិត្យហេដ្ឋារចនាសម្ព័ន្ធ វេទិកា បើក បិទ ពិធី និងភូមិកីឡាផងដែរនៅពហុកីឡដ្ឋានមរតកតេជោ។

ឯកឧត្ដម ថោង ខុន

ឯកឧត្ដម វ៉ាត់ ចំរើន អគ្គលេខាធិការ CAMSOC បានលើកឡើងក្រោយកិច្ចប្រជុំថា ព្រឹកមិញនេះដែលដឹកនាំដោយឯកឧត្ដម ថោង ខុន គឺបានទៅពិនិត្យវេទិកាគណៈអធិបតីថាមានលក្ខណៈត្រឹមត្រូវមានភាពងាយស្រួលដល់ការទស្សនាពិធី និងមានច្រកចេញចូលក៏ដូចជាទីតាំងច្បាស់លាស់។

ឯកឧត្ដម វ៉ាត់ ចំរើន

ក្រៅពីនេះអង្គប្រជុំក៏បន្តជជែកពិភាក្សាលើចំណុចហេដ្ឋារចនាសម្ព័ន្ធទាំងអស់ក្នុងពហុកីឡដ្ឋានមរតកតេជោដូចជាប្រព័ន្ធសុវត្ថិភាព សន្តិសុខសណ្ដាប់ធ្នាប់ កន្លែងចំណត់ និងពិសេសមួយទៀតគឺការកសាងភូមិកីឡាថាដំណើរការដល់ណា។ ទាំងនេះគឺជាអ្វីដែលអនុប្រធានអចិន្ត្រៃយ៍ CAMSOC ឯកឧត្ដម ថោង ខុន បានតែងតែណែនាំដល់ភាគីគណៈកម្មការជំនាញនិមួយៗយកចិត្តទុកដាក់ពិនិត្យ និងវាយតម្លៃគ្រប់ពេលវេលា។

ទិដ្ឋភាពព្រឹកមិញ

បញ្ជាក់ដែរថា CAMSOC គឺតែងតែបើកកិច្ចប្រជុំរៀងរាល់សប្ដាហ៍ក្នុងការពិនិត្យតាមដានជាមួយគណៈកម្មការជំនាញផ្សេងៗដែលទទួលបន្ទុកលើកកិច្ចការរៀងខ្លួនក្នុងការត្រៀមឆ្ពោះទៅទទួលធ្វើជាម្ចាស់ផ្ទះស៊ីហ្គេម លើកទី៣២ ឆ្នាំ២០២៣ នៅកម្ពុជា៕

អត្ថបទ៖ នួន ស៊ីណា