ដោយសារតែការចាញ់៤ប្រកួតជាប់គ្នាធ្វើឲ្យ Pep បន្តកុងត្រានៅ Man City

2024-11-22 01:22:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការរបស់មេឃខៀវលោក Pep Guardiola បាននិយាយថា លោកមិនទាន់ចង់ចាកចេញពីក្លឹបក្នុងកំឡុងពេលនេះនោះទេ បើទោះបីជាការដឹកនាំរបស់លោកមានការធ្លាក់ចុះចាញ់៤ប្រកួតជាប់ជាលើកទី១ក្នុងអាជីពជាគ្រូបង្វឹកក៏ដោយ។

លោក Pep បានបន្តកុងត្រាបន្ថែម២ឆ្នាំទៀតនៅក្លឹប Manchester City ពោលគឺរហូតដល់ឆ្នាំ២០២៧ ខណៈដែលកុងត្រានឹងបញ្ចប់ក្រោយពេលចប់រដូវកាលនេះ។ បុរសវ័យ៥៣ឆ្នាំបានមកចូលរួមជាមួយមេឃខៀវក្នុងឆ្នាំ២០១៦ ហើយជួយឲ្យក្រុមមួយនេះក្លាយជាម្ចាស់ជើងឯកពានរង្វាន់ចំនួន ១៨ បូករួមទាំងពានរង្វាន់ Premier League ៦ លើក។

៤ប្រកួតនៃការចាញ់នោះគឺ Tottena, Brighton, Sporting និង Bournemouth ។ បន្ទាប់ពីការចាញ់នោះអ្នកចាត់ខាងលើបាននិយាយថា «ខ្ញុំមានអារម្មណ៍ថា ខ្ញុំមិនគួរចាកចេញនៅពេលនេះទេ។ វាអាចមកពីការចាញ់៤ប្រកួតជាប់គ្នានេះហើយ ទើបបណ្ដាលឲ្យការសម្រេចចិត្តរបស់ខ្ញុំចង់បន្តដឹកនាំក្រុមនេះបន្តទៅទៀត»។

អ្នកចាត់ការដដែលបន្ថែមថា បន្ទាប់ពីការចាញ់៤ប្រកួតនេះលោកគិតថានឹងទទួលអ្វីដែលបាត់បង់ត្រឡប់មកវិញ ហើយព្យាយាមជំនះក្នុងកាលៈទេសៈនេះ។ លោកមិនខ្លាចក្នុងការព្យាយាមនោះទេ ព្រោះនេះជាការពិត៕

ប្រភព៖ BBC Daro Ly