នាយកក្លឹប Dortmund លត់ Wenger ទក់សាច់ រឿងផ្ទេរ Aubameyang

2018-01-18 14:06:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងថ្ងៃនេះ អ្នកចាត់ការក្លឹប Arsenal លោក Arsene Wenger បានសារភាពថា ក្លឹបពិតជាចាប់អារម្មណ៍ Pierre-Emerick Aubameyang។ មិនបានប៉ុន្មានផងផង នាយកក្លឹប Borrussia Dortmund បានចេញមុខប្រតិកម្មលោក Wenger ទាក់ទិននឹងរឿងនេះ។

លោក Michael Zorc

លោក Michael Zorc នាយកក្លឹប Dortmund បាននិយាយថា៖ "យើងគិតថា ការនិយាយអំពីកីឡាកររបស់ក្លឹបផ្សេង ជារឿងមួយដ៏ថោកទាប។ មកទល់ពេលនេះ គឺគ្មានទេ ការទាក់ទងសូម្បីបន្តិចពីក្លឹប Arsenal ទាក់ទិននឹង Aubameyang"។ លោកម្នាក់នេះ បានបរិហារទៀតថា៖ "យើងគិតថា លោក Arsene Wenger គួរតែចាប់អារម្មណ៍លើការលេងរបស់កីឡាករខ្លួនឯង ជាជាងនិយាយពីកីឡាករក្លឹបដទៃ"។

មួយរយៈចុងក្រោយ មានពាក្យចចាមអារ៉ាមជាច្រើនដែលថា Arsenal ចង់បាន Aubameyang ដើម្បីធ្វើការជំនួស Alexis Sanchez ដែលត្រូវបានគេរាយការណ៍ថាអាចនឹងចាកចេញពីក្លឹប ទៅចូលរួម Manchester United នាពេលខាងមុខ។ អ្នកចាត់ការ Arsene Wenger ក្នុងថ្ងៃនេះ ថែមទាំងសារភាពទៀតផងថាក្លឹបពិតជាចាប់អារម្មណ៍លើកីឡាកររូបនេះ បើទោះជាលោកមិនបានបញ្ជាក់ច្បាស់ពីរឿងផ្ទេរក៏ដោយ៕