មនុស្ស​រាប់​លាន​នាក់​នៅ​ប្រទេស​អ៊ូហ្គាន់ដា ក្នុង​ទ្វីប​អាហ្វ្រិក​ត្រូវ​តែ​បង់​ពន្ធ ដើម្បី​ប្រើប្រាស់​បណ្ដាញ​សង្គម​នានា ដូចជា Facebook, Whatsapp និង Twitter ក្រោយ​ច្បាប់​ថ្មី​ត្រូវ​បាន​ចូល​ជា​ធរមាន។

នៅ​ក្នុង​ខែ​ឧសភា ២០១៨ សភា​អ៊ូហ្គាន់ដា​បាន​អនុម័ត​ច្បាប់​ស្ដី​ពី​ការ​បង់​ពន្ធ​លើ​ទម្រង់​បណ្ដាញ​សង្គម​នានា ដើម្បី​ទទួល​បាន​សេវាកម្ម​ផ្ញើ​សារ និង​ផ្ញើ​សារ​ជា​សំឡេង។ នៅ​ថ្ងៃ​ទី១ ខែ​កក្កដា ២០១៨ ម្សិលមិញ អ្នក​ប្រើប្រាស់​បណ្ដាញ​សង្គម​ជាច្រើន ត្រូវ​បង់​ប្រាក់ប្រមាណ ០,០៥​ ដុល្លារ ដើម្បី​អាច​ដំណើរការ​ទៅ​កាន់​បណ្ដាញ​សង្គម​នានា។ ដូច្នេះ​អ្នក​ប្រើប្រាស់​បណ្ដាញ​សង្គម ត្រូវ​ចំណាយ ១,៥​ ដុល្លារ​ក្នុង​មួយ​ខែ ឬ ១៩​ ដុល្លារ​ក្នុង​មួយ​ឆ្នាំ ដើម្បី​ចូល​ប្រើប្រាស់​បណ្ដាញ​សង្គម។

រដ្ឋាភិបាល​អ៊ូហ្គាន់ដា​បញ្ជាក់​ថា ចំណាត់ការ​នេះ​នឹង​នាំ​ចំណូល​ចាំបាច់​បន្ថែម​ជូន​រដ្ឋ ដើម្បី​អ៊ូហ្គាន់ដា ទៅ​ជា​ប្រទេស​ដែល​មាន​ចំណូល​មធ្យម នៅ​ឆ្នាំ​២០២០។ ជាមួយ​គ្នា​នេះ ក៏​មាន​ការ​លើកឡើង​ផង​ដែរ​ថា ចំណាត់ការ​ពន្ធ​នេះ​គឺ​រំលោភ​លើ​សិទ្ធិ​ ដើម្បី​បញ្ចេញ​មតិ​ដោយ​សេរី នឹង​ធ្វើ​ឲ្យ​ប៉ះពាល់​ដល់​មុខ​របរ​របស់​ប្រជាពលរដ្ឋ និង​ធ្វើ​ឲ្យ​ប្រទេស​នេះ​កាន់តែ​ក្រ​ជាង​មុន៕

ប្រភព៖ Kley Kley   ប្រែសម្រួល ៖ វាសនា