ទុនវិនិយោគលើវិស័យសំណង់កើនឡើងជាង ១៧០% ក្នុងខែមករា បើធៀបនឹងរយៈពេលដូចគ្នាឆ្នាំមុន

2019-02-27 07:12:46
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋមន្ត្រីក្រសួងដែនដីឲ្យដឹងថា១០ឆ្នាំចុងក្រោយនេះទំហំទុនវិនិយោគលើវិស័យសំណង់មានជាង៤៣ពាន់លានដុល្លារអាមេរិក ខណៈក្រុមហ៊ុនសាងសង់ និងសិក្សាគម្រោងមានអាជ្ញាប័ណ្ណមានចំនួនជាងពីរពាន់ក្រុមហ៊ុន។

ក្នុងសុន្ទរកឋាមួយធ្វើឡើងនៅក្នុងវេទិកាសាធារណៈឯកជនស្ដីពីការអភីវឌ្ឍនគរូបនីយកម្មកម្ពុជា-ជប៉ុន នាព្រឹកនេះ ឯកឧត្តម ជា សុផារ៉ា លើកឡើងថាពីឆ្នាំ២០១០ ដល់ឆ្នាំ២០១៩ ទំហំទឹកប្រាក់វិនិយោគលើវិស័យសំណង់មានចំនួន ៤៣ ៨៩៦លានដុល្លារ។ ឯកឧត្តមបន្តថាក្រុមហ៊ុនក្សាងសង់ និងសិក្សាគម្រោងប្លង់មានអាជ្ញាប័ណ្ណមានចំនួន ២ ៣០៧ ក្រុមហ៊ុន ដែលមានស្ថាបត្យករប្រមាណជា ២ ៥០០នាក់ និងវិស្វករប្រមាណជា ៣០ ០០០នាក់។

ក្នុងខែមករា ឆ្នាំ២០១៩ នេះឯកឧត្តមឲ្យដឹងថាទុនវិនិយោគក្នុងវិស័យនេះ មានចំនួន៨២៩ លានដុល្លារអាមេរិក កើនឡើង១៧៨ភាគរយបើ ធៀបនឹងរយៈពេលដូចគ្នាក្នុងឆ្នាំ២០១៨៕

អត្ថបទ៖ ទូច សុខា