ប្លែកពីគេ! ឌុយបៃយកឡានស្ព័រ ២ ម៉ូដែល ធ្វើជាឡានសង្គ្រោះបន្ទាន់
- 2019-10-11 04:31:05
- ចំនួនមតិ 0 | ចំនួនចែករំលែក 0
ប្លែកពីគេ! ឌុយបៃយកឡានស្ព័រ ២ ម៉ូដែល ធ្វើជាឡានសង្គ្រោះបន្ទាន់
ចន្លោះមិនឃើញ
សមត្ថកិច្ចទីក្រុងឌុយបៃត្រូវបានគេដឹងជុំវិញពិភពលោកថាមានប្រើរថយន្តតម្លៃថ្លៃ និងរថយន្តល្បឿនលឿនជាច្រើន ដែលវាជាចំណុចតូចមួយអាចទាក់ទាញភ្ញៀវទេសចរណ៍។ ពេលនេះកាន់តែប្លែក ដោយរថយន្តស្ព័រចំនួនពីរ ត្រូវបានគេយកប្រើជារថយន្តសង្គ្រោះបន្ទាន់របស់ទីក្រុង។
តាមការបង្ហាញរបស់សេវាកម្មសង្គ្រោះបន្ទាន់ឌុយបៃ ពេលនេះរថយន្ត Nissan GT-R និង Chevrolet Corvette បានក្លាយជារថយន្តសង្គ្រោះបន្ទាន់ថ្មី។ លើរថយន្តទាំងពីរមានបំពាក់នូវឧបករណ៍សង្គ្រោះបន្ទាន់ CPR និងធុងផ្ទុកអុកស៊ីហ្សែន។ សេវាកម្មសង្គ្រោះបន្ទាន់ឌុយបៃនិយាយថា រយៈពេលនៃការឆ្លើយតបនឹងការសង្គ្រោះបន្ទាន់ត្រូវបានកាត់បន្ថយពាក់កណ្ដាលពេលប្រើរថយន្តនេះ។
ក្រឡេកទៅមើលរថយន្តល្បាតរបស់ប៉ូលិសឌុយបៃវិញ មានដូចជា Aston Martin One-77, Bugatti Veyron Grand Sport, Porsche 918 Spyder, Ferrari FF, Nissan GT-R, McLaren 12C, Lamborghini Aventador, BMW M6 Gran Coupe, Brabus G63 AMG, Audi R8 V10 និង Mercedes-Benz SL 63 AMG ជាដើម៕
ចុចអាន ៖ Toyota បញ្ចេញរូបរាងឡានប្រើអ៊ីដ្រូហ្សែនជំនាន់ថ្មី