Ford បានប្រកាសពីគម្រោងវិនិយោគទុនសរុប ១,៤៥ពាន់លានដុល្លារលើរោងចក្រងចំនួន២ គឺ រោងចក្រង Wayne និងរោងចក្រ Dearborn ក្នុងរដ្ឋ Michigan សហរដ្ឋអាមេរិក។

ក្រុមហ៊ុន Blue Oval (ក្រុមហ៊ុនធំរបស់ Ford) នឹងវិនិយោគលុយ ៧៥០លានដុល្លារនៅរោងចក្រ Wayne ដើម្បីផលិតរថយន្ត Bronco និង Ranger ខណៈលុយ ៧០០លានដុល្លារទៀតនឹងត្រូវវិនិយោគលើរោងចក្រ Dearborn ដើម្បីផលិតរថយន្ត F-150 ថ្មី, F-150 Hybrid និង F-150 ប្រើថាមពលអគ្គិសនីផងដែរ។

ក្រុមហ៊ុន Ford អះអាងថា ការវិនិយោគនេះនឹងជួយពង្រឹងភាពឈានមុខគេលើផ្នែករថយន្តភីកអាប់ និង SUV ព្រមទាំងពង្រីកគោលដៅរថយន្តអគ្គិសនីរបស់ក្រុមហ៊ុនផងដែរ។

សូមបញ្ជាក់ថា រថយន្ត F-150 ជំនាន់ថ្មី និង F-150 Hybrid នឹងបង្ហាញខ្លួនក្នុងឆ្នាំ២០២០ ខណៈ F-150 ប្រើអគ្គិសនីនឹងបង្ហាញខ្លួនពេលក្រោយទៀត។ ដោយឡែក រថយន្ត Ford Bronco នឹងបង្ហាញខ្លួនក្នុងឆ្នាំ២០២០ ដែរ៕

ប្រភព៖ carscoops   ប្រែ​សម្រួល៖ សេង ឡុង