ចំណាត់ថ្នាក់សាកលវិទ្យាល័យកំពូលទាំង១០ក្នុងលោក ឆ្នាំ២០១៤
- 2014-10-03 14:31:10
- ចំនួនមតិ 0 | ចំនួនចែករំលែក 0
ចំណាត់ថ្នាក់សាកលវិទ្យាល័យកំពូលទាំង១០ក្នុងលោក ឆ្នាំ២០១៤
ចន្លោះមិនឃើញ
កាលពីមុននេះបន្តិច ទស្សនាវដ្ដី The Times Higher Education (THE) បានបញ្ចេញចំណាត់ថ្នាក់សាកលវិទ្យាល័យកំពូលទាំង១០០ លើលោក។ ក្នុងចំណោមនោះ ១០សាកលវិទ្យាល័យលើគេមានតែនៅក្នុងចក្រភពអង់គ្លេស និងសហរដ្ឋអាមេរិកប៉ុណ្ណោះ។
សាកលវិទ្យាល័យកំពូលទាំង១០ នោះមាន៖
១០. សាកលវិទ្យាល័យ Yale (សហរដ្ឋអាមេរិក)
Yale University ត្រូវបានបង្កើតឡើងនៅក្នុងឆ្នាំ ១៧០១ ដែលមានទីតាំងស្ថិតនៅទីក្រុង New Haven រដ្ឋ Connecticut សហរដ្ឋអាមេរិក។
៩. សាកលវិទ្យាល័យ Imperial College London (ចក្រភពអង់គ្លេស)
Imperial College London ត្រូវបានបង្កើតឡើងក្នុងឆ្នាំ១០៩៧ និងមានទីតាំងស្ថិតនៅទីក្រុងឡុងដុង ចក្រភពអង់គ្លេស។
៨. សាកលវិទ្យាល័យCalifornia (សហរដ្ឋអាមេរិក)
University of California ត្រូវបានបង្កើតឡើងនៅឆ្នាំ១៨៦៨ ដែលមានទីតាំងស្ថិតនៅរដ្ឋCalifornia សហរដ្ឋអាមេរិក។
៧. សាកលវិទ្យាល័យ Princeton (សហរដ្ឋអាមេរិក)
សាកលវិទ្យាល័យ Princeton ត្រូវបានបង្កើតឡើងក្នុងឆ្នាំ១៧៤៦ ដែលមានទីតាំងស្ថិតនៅតំបន់ Princeton រដ្ឋ Connecticut សហរដ្ឋអាមេរិក។
៦. វិទ្យាស្ថានបច្ចេកវិទ្យាMassachusetts (សហរដ្ឋអាមេរិក)
Massachusetts Institute of Technology ត្រូវបានបង្កើតឡើងនៅឆ្នាំ១៨៦១ និងបើកឲ្យដំណើរការនៅឆ្នាំ ១៨៦៥ ដែលមានទីតាំងស្ថិតនៅទីក្រុង Cambridge រដ្ឋMassachusetts សហរដ្ឋអាមេរិក។
៥. សាកលវិទ្យាល័យ Cambridge (ចក្រភពអង់គ្លេស)
University of Cambridge ត្រូវបានបង្កើតឡើងក្នុងឆ្នាំ១២០៩ ដែលជាសាកលវិទ្យាល័យចំណាស់ជាងគេលំដាប់ទី៣ ក្នុងលោក។ សាកលវិទ្យាល័យនេះមានទីតាំងស្ថិតនៅ ទីក្រុង Cambridge ចក្រភពអង់គ្លេស។
៤. សាកលវិទ្យាល័យ Stanford (សហរដ្ឋអាមេរិក)
Stanford University ត្រូវបានបង្កើតឡើងនៅក្នុងឆ្នាំ១៨៩១ ដែលមានទីតាំងស្ថិតនៅតំបន់ Stanford រដ្ឋ California សហរដ្ឋអាមេរិក។
៣. សាកលវិទ្យាល័យ Oxford (ចក្រភពអង់គ្លេស)
គេពុំដឹងកាលបរិច្ឆេទជាក់លាក់ក្នុងការបង្កើតសាកលវិទ្យាល័យ Oxford ប៉ុន្តែគ្រឹះស្ថានសិក្សាដ៏ចំណាស់មួយនេះបានចាប់ផ្ដើមបើកវគ្គសិក្សាតាំងពីឆ្នាំ១០៩៦ ដែលគិតមកដល់ពេលនេះមានអាយុកាល៩១៨ឆ្នាំហើយ។ សាកលវិទ្យាល័យដែលចាស់ជាងគេលំដាប់ទី២ ក្នុងលោកនេះ មានទីតាំងនៅក្នុងទីក្រុង Oxford ចក្រភពអង់គ្លេស។
២. សាកលវិទ្យាល័យ Harvard
Harvard University ត្រូវបានបង្កើតឡើងនៅក្នុងឆ្នាំ១៦៣៦ ដែលមានទីតាំងស្ថិតនៅទីក្រុង Cambridge រដ្ឋMassachusetts សហរដ្ឋអាមេរិក។
១. វិទ្យាស្ថានបច្ចេកវិទ្យា California (សហរដ្ឋអាមេរិក)
California Institute of Technology ត្រូវបានបង្កើតឡើងនៅឆ្នាំ១៨៩១ ដែលមានទីតាំងស្ថិតនៅទីក្រុង Pasadena រដ្ឋCaliforniaសហរដ្ឋអាមេរិក។
ប្រែសម្រួល៖ គង់ វិសាល ប្រភព៖ telegraph