មិនជឿអាចសាកបាន ថ្មសល់ត្រឹម ១% ក៏នៅប្រើបានធម្មតា បើចេះប្រើមុខងារទាំងនេះ

2018-09-05 02:33:05
ចំនួនមតិ 0 | ចំនួនចែករំលែក 0

ចន្លោះមិនឃើញ

អផ្សុកចង់ថតរូប ស្រាប់តែដកទូរសព្ទមកប្រើថ្មនៅសល់តែ ១ ភាគរយ ចង់រលត់ទៅហើយ។ ចៃដន្យអី អ្នកត្រូវការប្រើប្រាស់ចាំបាច់ ប៉ុន្តែអាចថាពេលវេលាមិនស័ក្កសមដោយសារថ្មទូរសព្ទ ដូចមិនអំណោយផល។

អ្នកអាចផ្លាស់ប្តូរការកំណត់មួយចំនួនលើទូរសព្ទ បើអ្នកចាំបាច់ត្រូវការប្រើប្រាស់ ទោះបីវាមិនអាចប្រើបានយូរ យ៉ាងហោចណាស់ក៏អាចដោះទាល់មួយរយៈទម្រាំអាចរកកន្លែងសាកថ្មបាន។

១) បន្ថយពន្លឺ

អេក្រង់ស្មាតហ្វូនជាចំណុចចំណាយថាមពលថ្មច្រើនជាងគេ ដែលគួរបន្ថយពន្លឺ អាចជួយពន្យារអាយុជីវិតថាមពលថ្មបាន។

២) បិទ Bluetooth

គួរបិទប្រព័ន្ធ Bluetooth កុំឲ្យបន្តដំណើរការស្វែងរកឧបករណ៍ក្បែរៗ។

៣) បិទ 3G ឬ 4G

ទិន្នន័យអ៊ីនធឺណិតប្រើប្រាស់ កាន់តែច្រើន ថាមពលថ្មក៏ហូរលឿនតាមនោះដែរ។ គួរបិទប្រើប្រាស់ 3G ឬ 4G ដើម្បីទុកឱកាសនៅសល់ រក្សាទំនាក់ទំនង ក្រែងមានបញ្ហាចៃដន្យ។

៤) បិទ Wi-Fi

បិទ Wi-Fi អាចជួយសន្សំសំចៃថាមពលថ្មបានច្រើន ឬប្រើ Airplane mode តែម្តង។

៥) បិទ Location Services

ត្រឹមប៉ុន្មាននាទីនៅសល់ មុខងារនេះ មិនមែនជាចំណុចចាំបាច់ក្នុងការចំណាយថាមពលថ្មនោះទេ។ ពេលថ្មសាកពេញ អាចបើកប្រើមុខងារនេះបាន ព្រោះកម្មវិធីជាច្រើនដូចជា Find My iPhone មានតម្រូវការ។

៦) បិទ Air Drop

គួរបិទមុខងារ Air Drop ព្រោះមិនមានតម្រូវការចាំបាច់ ចំពោះអាយុចុងក្រោយរបស់ថាមពលថ្មឡើយ៕