កូនប្រុស អេ ភូថង ខំប្រឹងងើបឡើងវិញទាំងសឺ ព្រោះមិនចង់ឲ្យគេមើលងាយ

2018-09-20 01:04:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់វ័យក្មេង ម៉ឺន មេឃា ប្រាប់មូលហេតុដែលមិនខ្ចីបោះបង់ការប្រកួតកាលពីថ្ងៃសៅរ៍កន្លងទៅនេះ ទោះត្រូវអាជ្ញាកណ្ដាលរាប់ផង និងវ៉ៃយ៉ាងណាក៏ដោយ ព្រោះមិនចង់ឲ្យគេមើលងាយដល់ក្រុមគ្រួសារ និងកេរ្តិ៍ឈ្មោះឪពុក។

ម៉ឺន មេឃា(ស្ដាំ)

ម៉ឺន មេឃា បានឲ្យដឹងថា កាលពីថ្ងៃសៅរ៍កន្លងទៅនេះ ពិតជាចុកខ្លាំង និងអស់កម្លាំងក្នុងការបន្តការប្រកួតនៅឲ្យចប់ទឹកទី២ ឬឈានដល់ទឹកទី៣មែន ប៉ុន្តែដោយសារតែគិតពីរឿងកេរ្តិ៍ឈ្មោះកូនស្ដេចប្រដាល់ម្នាក់ដែរ តែបែរជាចាញ់គេសន្លប់បែបនេះ។ ចំណុចនេះហើយ ទើបជំរុញឲ្យខ្លួនខំប្រឹងងើបឡើងវិញ និងបន្តការប្រកួតតទៅមុខទៀតរហូតចប់ការប្រកួត៣ទឹកនោះតែម្ដង។

ម៉ឺន មេឃា(ក្រហម)

កូនប្រុសលោក អេ ភូថង ខាងលើនេះបន្ថែមថា កាលដែលចាញ់ លន បញ្ញា ពេលនោះគឺទី១ ចាញ់កម្លាំង ចាញ់ចាប់តែម្ដង ដូច្នេះពេលដែលចូលចាប់ម្ដងៗមិនអាចបិទដៃគូបាន ខណៈអស់ដៃថែមទៀត រឹតតែតោងគេលែងបាន។ តាមរយៈការប្រកួតមួយនេះ ខ្លួនទទួលបានបទពិសោធមួយចំនួនដែរ ពោលត្រូវប្ដូរក្បាច់វ៉ៃវិញ។

ម៉ឺន មេឃា(ក្រហម)

រំលឹកដែរថា ម៉ឺន មេឃា ចាញ់កីឡាករ លន បញ្ញា ដោយពិន្ទុកាលពីថ្ងៃសៅរ៍ ទី១៥ ខែកញ្ញា ២០១៨។ កូនប្រុសលោក អេ ភូថង រូបនេះត្រូវអាជ្ញាកណ្ដាលរាប់ដល់ទៅពីរដងក្នុងទឹកទី២ ប៉ុន្តែអាចងើបឡើងវិញ និងបន្តការប្រកួតរហូតចប់៣ទឹកពេញ។ មេឃា ត្រូវធ្លាក់ត្រឹមជុំទី៣(៨នាក់)នៃពានរង្វាន់ TV5 ទម្ងន់ ៦០គីឡូក្រាម៕

អត្ថបទ៖ នួន ស៊ីណា