គម្រោងទីលានដ៏ប្រណិតរបស់គីរីដងរែកចំណាយខ្ទង់កន្លះលានដុល្លារ
- 2018-09-26 02:58:23
- ចំនួនមតិ 0 | ចំនួនចែករំលែក 0
គម្រោងទីលានដ៏ប្រណិតរបស់គីរីដងរែកចំណាយខ្ទង់កន្លះលានដុល្លារ
ចន្លោះមិនឃើញ
ទីលានដែលកំពុងសាងសង់របស់ក្រុមបាល់ទាត់ពាក់កណ្ដាលអាជីពគីរីដងរែក គឺគ្រោងចំណាយខ្ទង់៥០ម៉ឺនដុល្លារអាមេរិក ដែលអាចនឹងលេចរូបរាងក្នុងរយៈពេល ៤ ខែទៀតនៅទឹកដីខេត្តសៀមរាបនៅផ្លូវបំបែកក្រោលសេះ ភូមិស្វាយដង្គំ។
លោក អេង ស៊ីនដារ៉ា អ្នកគ្រប់គ្រងក្រុមគីរីដងរែកបានឲ្យដឹងថា ចំនួនទឹកប្រាក់នេះទទួលបានការឧបត្ថម្ភពីមនុស្សម្នាក់ដែលសុំមិនបញ្ចេញឈ្មោះ ហើយក៏ជាអ្នករកស៊ីមុនជំនួយម្នាក់ដែលស្រលាញ់វិស័យបាល់ទាត់។ ការបង្កើតទីលានកម្រិតស្មៅធម្មជាតិ ជាមួយបច្ចេកទេសបាញ់ទឹកពីក្រោមដី ដែលដូចទាំងស្រុងទៅនឹងក្លឹបភ្នំពេញក្រោនមួយនេះ ក្នុងគោលបំណងធំចង់ចូលលេងលីគទី២កម្ពុជា។
អ្នកគ្រប់គ្រងរូបនេះបន្ថែមថា រយៈពេលនៃការចូលលេងលីគទី២ លោកមិនទាន់កំណត់បាន ពីព្រោះរង់ចាំមើលលទ្ធភាពរបស់ក្រុមជាមុនសិន។ បើគិតមកដល់ពេលនេះទីលានខាងលើបានសាងសង់មួយចំនួនហើយ ដូចជាការបង្កប់ទុយយោបាញ់ទឹក និងចាក់ដីជាដើម៕