ដូណាល់ ត្រាំស្នើសុំលុយជាង ២ប៊ីលានដុល្លារពីសភា ដើម្បីប្រយុទ្ធប្រឆាំង COVID-19
- 2020-02-26 03:20:08
- ចំនួនមតិ 0 | ចំនួនចែករំលែក 0
ដូណាល់ ត្រាំស្នើសុំលុយជាង ២ប៊ីលានដុល្លារពីសភា ដើម្បីប្រយុទ្ធប្រឆាំង COVID-19
ចន្លោះមិនឃើញ
រដ្ឋបាលរបស់លោកប្រធានាធិបតីដូណាល់ ត្រាំ បានបញ្ជូនលិខិតស្នើសុំថវិកាចំនួន ២,៥ប៊ីលានដុល្លារពីសភាអាមេរិក ដើម្បីប្រយុទ្ធប្រឆាំងនឹងកូរ៉ូណាវីរុសដែលផ្ទុះឡើងក្នុងប្រទេសចិន។
យោងតាមសេចក្ដីថ្លែងការណ៍របស់សេតវិមានឲ្យដឹងកាលពីថ្ងៃចន្ទថា ការស្នើសុំនេះ បានធ្វើឡើងនៅពេលដែលគណនីសំខាន់ៗរបស់រដ្ឋាភិបាលអាមេរិកកាន់តែជិតអស់កញ្ចប់ថវិកា។ នាយកដ្ឋានសុខាភិបាលនិងសេវាមនុស្ស (HSS) បានចំណាយថវិកាឆ្លើយតបយ៉ាងរហ័សទៅនឹងជំងឺឆ្លងភ្លាមៗ ហើយកំពុងស្វែងរកការផ្ទេរប្រាក់ជាង ១៣០ លានដុល្លារអាមេរិកពីគណនី HSS ផ្សេងទៀតដើម្បីប្រយុទ្ធប្រឆាំងនឹងវីរុសនេះ ប៉ុន្តែពួកគេត្រូវការថវិកាបន្ថែមទៀត។ សេតវិមានបន្ថែមថា ទឹកប្រាក់ជាង ១ ពាន់លានដុល្លារអាមេរិកនឹងចំណាយទៅលើការបង្កើតវ៉ាក់សាំង។ ក្រៅពីនេះ ថវិកាមួយចំនួននឹងត្រូវប្រើប្រាស់សម្រាប់ជួយជនភៀសខ្លួនមកពីចិន ដែលត្រូវបានដាក់ដោយឡែករយៈពេល ១៤ថ្ងៃសិននៅតាមមូលដ្ឋានទ័ពអាមេរិកក្នុងរដ្ឋកាលីហ្វរញ៉ា។
គួរឲ្យដឹងថា មកទល់ពេលនេះ ចំនួនអ្នកឆ្លងកូរ៉ូណាវីរុសក្នុងសហរដ្ឋអាមេរិកកើនឡើងដល់ ៥៧ករណីហើយចាប់តាំងពី COVID-19 ផ្ទុះឡើងក្នុងទីក្រុង Wuhan កាលពីឆ្នាំមុន៕