Rihanna ត្រូវមហាជនកូរ៉េរិះគន់ធ្ងន់ៗ ដោយសារមិនគោរពពេលវេលា

2019-09-18 07:05:14
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងសម្បុរស្រអែម Rihanna ត្រូវបានមហាជនកូរ៉េខាងត្បូងធ្វើការរិះគន់ធ្ងន់ៗ ដោយសារតែបង្ហាញខ្លួនយឺតយ៉ាវក្នុងកម្មវិធី Fenty Beauty របស់របស់ខ្លួន ដែលធ្វើឡើងនាទីក្រុងសេអ៊ូល។

បើតាមម៉ោងកំណត់គឺ Rihanna ត្រូវបង្ហាញមុខវេលាម៉ោង ៥ ល្ងាច នៅថ្ងៃទី ១៧ ខែកញ្ញា ប៉ុន្តែម៉ោង ៧ យប់ហើយ នៅមិនទាន់បង្ហាញមុខទៀត។ មានការចុះផ្សាយថាមានមនុស្សជាច្រើនបានចាកចេញពីកម្មវិធីដោយសាររង់ចាំយូរពេក។

ចំនួនអ្នករិះគន់បានកើនឡើងនៅពេលដែលពួកគេដឹងថា Rihanna បានធ្វើការ Live លើ Instagram អំឡុងពេលដែលគ្រប់គ្នាកំពុងរង់ចាំនាង។ Rihanna បានទៅដល់កម្មវិធីនៅម៉ោង ៧៖៣០ យប់ ដែលយឺតជាងម៉ោងកំណត់ ២៖៣០ នាទីឯណោះ។

នេះមិនមែនជាលើកដំបូងទេ ដែល Rihanna មានភាពយឺតយ៉ាវ កាលពីឆ្នាំ ២០១០ នាងបានបង្ហាញមុខយឺតយ៉ាវ ៥០ នាទី ក្នុងសន្និសីទមួយ ធ្វើឲ្យមហាជនងឿងឆ្ងល់ថា តារាស្រីរូបនេះមានការគោរពចំពោះកូរ៉េខាងត្បូងឬអត់។

មហាជនបានបញ្ចេញមតិដូចខាងក្រោម ៖

“ខ្ញុំគិតថាវាចម្លែកមែនទែន ដែលមនុស្សម្នាក់ដែលមើលងាយអាស៊ី អាចមកប្រទេសកូរ៉េខាងត្បូងនោះ"
“វាជាកម្មវិធីដែលមានឈ្មោះរបស់នាងតំណាង ហើយនាងបែរជានៅក្នុងបន្ទប់រង់ចាំ Live លើ Instagram លេងទៅវិញ ទាំងដែលនាងយឺតពេល ២ ម៉ោងទៅហើយ ពិតជាលីលាមែន!”