ចំណេញបាត់! ផ្សារទំនើបចិនល្បីមួយបើកសាខាថ្មីលើផ្លូវ ២៧១ ចុះថ្លៃ ២០%លើគ្រប់ទំនិញ

2019-09-25 04:46:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនបុត្រសម្ព័ន្ធដ៏សកម្មមួយរបស់ក្រុមហ៊ុន ព្រីនស៍ រៀល អ៊ីស្ទេត គ្រុប បានបើកសម្ពោធន៍ផ្សារទំនើបព្រីនស៍ ស៊ុបភើម៉ាឃីត (Prince Supermarket) ដែលជាសាខាទី៨ របស់ខ្លួនជាផ្លូវការនៅថ្ងៃទី២៥ កញ្ញានេះ ដែលមានទីតាំងនៅតាមបណ្ដោយផ្លូវ ២៧១ សង្កាត់ទំនប់ទឹក ខណ្ឌចំការមន រាជធានីភ្នំពេញ។

ការបើកសម្ពោធន៍ព្រីនស៍ ស៊ុបភើម៉ាឃីត គឺដើម្បីបំពេញទៅនឹងតម្រូវការរបស់ប្រជាពលរដ្ឋក្នុងតំបន់ និងតម្រូវការនៃការទិញទំនិញប្រើប្រាស់ អាហារប្រចាំថ្ងៃ បន្លែផ្លែឈើ និងទំនិញសំខាន់ៗផ្សេងៗទៀត ហើយបើកដំណើរការពីម៉ោង ៧ព្រឹករហូតដល់ម៉ោង ១១យប់ ដែលមានលក់ក្នុងផ្សារទំនើបថ្មីនេះ។ ការបើកសម្ពោធន៍សាខាថ្មីនេះដែរក៏មានការថែមជូនពិសេសនូវ ប្រមូសិន រហូតដល់ ២០% ទៅតាមមុខទំនិញផ្សេងៗ ដែលមានផលិតផលចម្រុះសរុបជាង ១ ៨០០ មុខទំនិញ។

ព្រីនស៍ ស៊ុបភើម៉ាឃីត ដែលមានលកផលិតផលខ្មែរ និងក្រៅពីនោះជាផលិតផលនាំចូលពីក្រៅប្រទេសជាច្រើនទៀតដូចជា ចិន ថៃ និងជប៉ុន ជាដើម។ លោក ឈិន ចិពីង នាយកប្រតិបត្តិផ្សារទំនើប បានប្រាប់ថាចាប់តាំងពីបើកដំណើរការមកផលិតផលដែល លក់ដាច់ជាងគេគឺ ប្រភេទអាហារដូចជា បន្លែ ផ្លែឈើ និងសាច់ត្រី ជាដើម។

លោក ឈិន ចិពីង នាយកប្រតិបត្តិផ្សារទំនើប បានលើកឡើងថា សម្រាប់ផែនការនៅក្នុងឆ្នាំ២០១៩ នេះក្រុមហ៊ុន នឹងពង្រីកទីតាំងផ្សារទំនើបព្រីនស៍អោយបាន ១០ទីតាំងបន្ថែមទៀត ក្នុងរាជធានីភ្នំពេញ មុននឹងក្រុមហ៊ុន ឈានជើងទៅពង្រីកទីតាំងបន្ទាប់នៅតាមបណ្ដាខេត្ត។

តាមការបង្ហើបពីគម្រោងវិនិយោគរបស់ថ្នាក់ដឹកនាំព្រីនស៍ ស៊ុបភើម៉ាឃីត នឹងបន្តគម្រោងធំៗផ្សេងទៀតដូចជា Prince Fresh ក្នុងទំហំផ្ទៃដី ១ ៣០០ ម៉ែត្រការ៉េឡើងទៅ និង Prince Market ក្នុងទំហំចាប់ពី ២ ០០០ម៉ែត្រការ៉េឡើងទៅក្នុងពេលឆាប់ៗខាងមុខនេះទៀតផង។ ក្រុមហ៊ុនបានរៀបចំនូវគម្រោងរបស់ខ្លួនរួចស្រេចហើយ ក្នុងនោះខេត្តព្រះសីហនុ ភ្នំពេញ និងសៀមរាប គឺជាទីតាំងអាទិភាពរបស់ខ្លួន ក្នុងការបណ្ដាក់ទុនវិនិយោគបន្ថែម ៕