និយាយពាក្យ១ឃ្លានេះ ធ្វើឲ្យដៃគូកាន់តែមានអារម្មណ៍ស្កប់ស្កល់ ពេលកំពុងរួមភេទ

2020-06-25 16:03:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ការនិយាយពាក្យ១ឃ្លាយ៉ាងខ្លីថា "I Love You” ដែលមានន័យថា "បងស្រលាញ់អូន” ឬ "អូនស្រលាញ់បង” ពេលកំពុងរួមភេទ នឹងអាចធ្វើឲ្យដៃគូរបស់អ្នកមានអារម្មណ៍កាន់តែស្កប់ស្កល់។ នេះបើតាមការសិក្សាថ្មីមួយ។

អ្នកវិទ្យាសាស្ត្រម្នាក់មកពីសាកលវិទ្យាល័យ Chapman University សហរដ្ឋអាមេរិក បានវិភាគ និងសាកសួរដល់ដៃគូចំនួន៣៩.០០០នាក់ ដែលពួកគេរស់នៅជាមួយគ្នាយ៉ាងតិច៣ឆ្នាំ។ ជាលទ្ធផលឃើញថា ដៃគូដែលមានការសន្ទនាគ្នា អំឡុងពេលប្រតិបត្តិការ គឺពួកគេតែងទទួលបានអារម្មណ៍ស្កប់ស្កល់ច្រើនជាង។

បុរសចំនួន៧៥% ក្នុងចំណោមនោះ បានលើកឡើងថា ពួកគេបាននិយាយពាក្យថា "បងស្រលាញ់អូន” អំឡុងពេលរួមភេទ ពិតជាធ្វើឲ្យដៃគូមានអារម្មណ៍ល្អ ហើយតាមការសិក្សាខាងលើស្ត្រី៧៤% ក៏តែងនិយាយពាក្យនេះ (I Love You) ទៅកាន់បុរសដូចគ្នា។

ពាក្យថាស្រលាញ់នេះ វាអាចធ្វើឲ្យដៃគូរបស់អ្នកមានអារម្មណ៍ល្អ និងធ្វើឲ្យកាន់តែមានភាពស្និទ្ធស្នាលជាមួយគ្នា។ ការសិក្សាខាងលើដដែល បានបញ្ជាក់ទៀតថា ការផ្ញើសារ ឬនិយាយទូរស័ព្ទ ពីរឿងផ្លូវភេទជាមួយគ្នា ក៏ធ្វើឲ្យពួកគេមានអារម្មណ៍ល្អ និងកាន់តែស្កប់ស្កល់ ពេលពួកគេនៅលើគ្រែជាមួយគ្នាផងដែរ៕

ប្រភព៖ Dailymail