ព្រោះ ៥ចំណុចនេះ ទើប MG RX5 ក្លាយជាឡាន SUV ពេញនិយមនៅកម្ពុជា
- 2020-09-21 06:53:30
- ចំនួនមតិ 0 | ចំនួនចែករំលែក 0
ព្រោះ ៥ចំណុចនេះ ទើប MG RX5 ក្លាយជាឡាន SUV ពេញនិយមនៅកម្ពុជា
ចន្លោះមិនឃើញ
រថយន្តប្រភេទ SUV មានផ្តល់ជូននូវកន្លែងអង្គុយសម្រាប់អ្នកបើកបរខ្ពស់ល្មម អាចឱ្យអ្នកបើកបរមើលឃើញផ្លូវនៅខាងមុខបានប្រសើរជាងមុន។ រថយន្តប្រភេទនេះក៏មានកម្ពស់ពីដីខ្ពស់ផងដែរ ដែលធ្វើឱ្យការបើកបរលើដីមានភាពងាយស្រួលហើយក៏សក្ដិសមសម្រាប់ច្រើនស្ថានភាពផ្លូវ។
នៅប្រទេសកម្ពុជាឥឡូវនេះប្រជាជនមិនសូវត្រូវការរថយន្តណាដែលមានកម្លាំងខ្លាំងពេកទេ ដោយពួកគេព្រមទទួលយករថយន្តប្រភេទSUVដែលមានម៉ាស៊ីនតូចជាងមុន ប៉ុន្តែបានបំពាក់បន្ថែមនូវតួបូរ អាចផ្ដល់កម្លាំងខ្លាំងមិនចាញ់រថយន្តដែលមានម៉ាស៊ីនធំ ដូចជាម៉ាស៊ីនV6ដែលស៊ីសាំងច្រើនរួមជាមួយថ្លៃពន្ធផ្លូវខ្ពស់ទៀតផង។
និយាយដល់រថយន្តប្រភេទ SUV ក្រុមហ៊ុន MG Cambodiaដែលជាយីហោរថយន្តរបស់ប្រទេសអង់គ្លេសកំពុងបន្តគ្របដណ្តប់លើទីផ្សាររថយន្តប្រភេទSUVនៅកម្ពុជាដោយសារមានតំលៃសមរម្យ ជាពិសេសគឺរថយន្តម៉ូដែល RX5 ដែលពេញនិយមខ្លាំង។ ខាងក្រោមនេះគឺជាចំណុចទាក់ទាញរបស់រថយន្ត RX5 ដែលអាចឲ្យវាក្លាយជារថយន្តលក់ដាច់និងពេញនិយមនៅកម្ពុជា ៖
១. មុខងារ ៖
ជារថយន្តប្រភេទម៉ាស៊ីនសាំង 1.5T បន្ថែមជាមួយTurbochargerដែលផ្តល់អោយរថយន្តមានកម្លាំងខ្លាំង 169សេះ និងកម្លាំងបង្វិល 250Nm ហើយបំពាក់ជាមួយប្រអប់លេខអូតូ 7 វគ្គ។ ក្នុងពេលជាមួយគ្នានេះដែរបើនិយាយអំពីការស៊ីប្រេងឥន្ធនៈវិញក៏គួរឱ្យចាប់អារម្មណ៍ត្រឹមតែ ៧លីត្រ ក្នុងចម្ងាយ 100 គីឡូម៉ែត្រ។ រថយន្ត MG RX5 មានការរចនានិងមុខងារយ៉ាងល្អឥតខ្ចោះ។
២. បច្ចេកវិទ្យា៖
និយាយពីបច្ចេកវិទ្យាវិញ គឺមានមុខងារឆ្លាតវៃជាច្រើននៅក្នុងរថយន្ត MG RX5 ដូចជា អេក្រង់ពណ៌ទំហំ ៨អ៊ីញ ដែលអាចភ្ផាប់ជាមួយទូរសព្ទស្មាតហ្វូន និងផ្តល់ជូននូវការកម្សាន្តក្នុងរថយន្តតាមរយៈ Apple Car Play, មានកៅអីអូតូតិ និងមាន Smart Key។ ដូច្នេះមិនថាអ្នកបើកបរផ្លូវឆ្ងាយអ្នកនៅតែអាចកម្សាន្តជាមួយតន្ត្រីដែលអ្នកត្រូវការនៅពេលធ្វើដំណើរហើយក៏ងាយស្រួលប្រតិបត្តិការដែរ។
៣. ប្រព័ន្ធសុវត្តិភាព ៖
រថយន្ត MG RX5 ត្រូវបានបំពាក់ដោយពោងសុវត្ថិភាពចំនួន6, កាមេរ៉ាសម្រាប់ពេលចតរថយន្តនិងប្រព័ន្ធហ្វ្រាំងឆ្លាតវៃ។ ជាមួយនឹងម៉ូឌែល RX5 ត្រូវបានធានាយ៉ាងត្រឹមត្រូវរយៈពេល៣ឆ្នាំឬ ១០ម៉ឺនគីឡូម៉ែត្រ។ ទីតាំងអង្គុយរបស់អ្នកបើកបរខ្ពស់ដែលជាទិដ្ឋភាពប្រសើរជាងមុនសម្រាប់ការមើលអំពីចរាចរណ៍និងស្ថានភាពផ្លូវ។
៤. តម្លៃ ៖
ជាទូទៅរថយន្តធំគឺមានតម្លៃខ្ពស់ប៉ុន្តែរថយន្តMG RX5មានតម្លៃសមរម្យក្នុងការស្ថាបនារថយន្តមួយនេះអោយកាន់តែមានការពេញនិយមជាមួយតម្លៃសមរម្យជាងមុនត្រឹមតែ $38,000ជាមួយនឹងកាដូថែមជូនជាច្រើនមុខទៀត ហើយចំណុចដែលធ្វើអោយរថយន្ត MG RX5 ពិតជាឈ្នះដៃគូប្រកួតប្រជែងគឺការសន្សំសំចៃប្រេងឥន្ធនៈព្រមជាមួយនឹងភាពទាក់ទាញនៃរូបរាង។
៥. ផាសុកភាព ៖
អំពូលភ្លើងមុខបន្ថែមនូវភាពទាក់ទាញទៅលើរូបរាងដ៏ប្រណីតហើយបន្ថែមទៀតនោះគឺមានបំពាក់ជាមួយដំបូលលើដែលផ្តល់ថាមពលដល់ផ្នែកខាងក្នុងនៃរថយន្តឲ្យកាន់តែមានផាសុកភាពនិងមានបរិយាកាសធាតុល្អឥតខ្ចោះក្នុងពេលបើកបរ។រថយន្តMG RX5 មានសមត្ថភាពអាចផ្ទុកសម្ភារៈជាច្រើន និងកៅអីខាងក្រោយដែលអាចផ្លាស់ប្តូរបានឬបត់បែនបានយ៉ាងល្អដែលនឹងផ្តល់ភាពងាយស្រួលដល់លោកអ្នក។
រថយន្តMG RX5 គឺជារថយន្តប្រភេទ SUV ដ៏មានប្រជាប្រិយមួយនៅក្នុងប្រទេសកម្ពុជាដែលផ្តល់ជូនលោកអ្នកនូវផាសុកភាព អត្ថប្រយោជន៍សន្សំក៏ដូចជាភាពរស់រវើកនៃរូបរាងគួរអោយទាក់ទាញ និងមុខងារប្រើប្រាស់ទំនើបៗ សម្រាប់គ្រួសាររបស់អ្នកដែលជាហេតុធ្វើឲ្យក្រុមហ៊ុនរថយន្តMGបានបង្កើនការលក់សម្រាប់ឆ្នាំ 2020នេះដោយលក់រថយន្តSUVចំនួនប្រមាណ350គ្រឿងដែលកើនឡើង89% បើប្រៀបធៀបទៅនឹងលទ្ធផលការលក់កាលពីឆ្នាំមុន៕