សារមន្ទីរ​ រោង​កុន និង​រោង​សម្ដែងសិល្បៈ​ ចាប់​បើក​ឡើង​វិញ​ទូទាំង​ប្រទេស នៅថ្ងៃស្អែក​នេះ​ហើយ​

  • 2021-11-17 12:25:43
  • ចំនួនមតិ 0 | ចំនួនចែករំលែក 0

ចន្លោះមិនឃើញ

នៅ​ក្នុង​ថ្ងៃ​នេះ​ ក្រសួង​វប្បធម៌​ និង​វិចិត្រ​សិល្បៈ​ បាន​ចេញ​សេចក្តីជូនដំណឹង ស្តីពីការបើកដំណើរការឡើងវិញនូវការចូលទស្សនាសារមន្ទីរ រោងភាពយន្ត និងរោងសម្តែងសិល្ប: នៅតាមបណ្តាខេត្តក្នុងព្រះរាជាណាចក្រកម្ពុជា។

នៅ​ក្នុង​សេចក្ដី​ជូន​ដំណឹង​ខាង​លើ​ សារមន្ទីរ រោងភាពយន្ត និង​រោងសម្តែងសិល្ប: នៅតាមបណ្តាខេត្តនានា នឹង​បើក​ឲ្យ​ចូល​ទស្សនា​ឡើង​វិញ​នៅ​ថ្ងៃ​ទី១៨ ខែ​វិច្ឆិកា ឆ្នាំ​២០២១​នេះ​ហើយ​ ដោយ​តម្រូវ​ឲ្យ​គោរពអនុវត្ត​ឲ្យ​ខ្ជាប់ខ្ជួន​បំផុត​តាម​វិធានការគោលការណ៍​ស្តង់ដា​ប្រតិបត្តិ​ SOP ដែល​រៀប​ចំ​ដោយ​ក្រសួង​វប្បធម៌​ និង​វិចិត្រ​សិល្បៈ និង​ក្រសួងសុខាភិបាល​ ព្រម​​ទាំងវិធានការ​សុខាភិបាល​នានា​របស់​ក្រសួង​សុខាភិបាល​ផង​ដែរ ដើម្បី​ជៀសវាង​ឆ្លង​ជំងឺកូវីដ-១៩​។

សូមរំលឹកផងដែរថា​ចំពោះ​តំបន់​រាជធានីភ្នំពេញ​ ក្រសួង​វប្បធម៌​ និង​វិចិត្រ​សិល្បៈអនុញ្ញាតឲ្យ​បើដំណើរការឡើងវិញនូវការចូលទស្សនាសារមន្ទីរ រោងភាពយន្ត និងរោងសម្តែងសិល្ប:នេះមុនគេ តាំង​ពី​ថ្ងៃ​ទី៣០ ខែ​តុលា ឆ្នាំ​២០២១រហូត​មក​៕

ខាង​ក្រោម​នេះ​ជា​សេចក្ដី​ជូន​ដំណឹង​របស់​ក្រសួង៖

អត្ថបទ៖ ហ៊ីម រស្មី

អត្ថបទថ្មី