មូលហេតុពិសេសកីឡាករ PSG ពាក់អាវមានលេខនិងអក្សរពណ៌មាសយប់មិញ

2021-12-13 07:01:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Paris Saint-Germain បានយកឈ្នះគូប្រជែង Monaco ជាមួយអាវដែលមានលេខនិងអក្សរពណ៌មាសដើម្បីអបអរដល់ការឈ្នះពាន Ballon d’Or របស់ Lionel Messi។

ខ្សែប្រយុទ្ធ Kylian Mbappe រកបានពីរគ្រាប់ម្នាក់ឯងក្នុងកីឡដ្ឋាន Parc des Princes ជួយ PSG ឈ្នះ Monaco ២-០។ ជ័យជម្នះនេះបានបន្តជួយ PSG នាំមុខលើកំពូលតារាង Ligue 1 ដល់ទៅ១៣ពិន្ទុ លើក្រុមលេខពីរ Marseille។

អ្វីដែលធ្វើឲ្យអ្នកគាំទ្រចាប់អារម្មណ៍ ក្នុងការប្រកួតខាងលើ PSG បានពាក់អាវដែលលេខនិងអក្សរពណ៌មាស។ ជាមូលហេតុពិតនោះគឺ ក្លឹបចង់អបអរដល់ការឈ្នះពាន Ballon d'Or ជាលើកទី៧សម្រាប់ខ្សែបម្រើប្រយុទ្ធ Messi។

Messi បានឈ្នះពាន Ballon d’Or ឆ្នាំ២០២១ បន្ទាប់ពីវ៉ាដាច់ពិន្ទុគូប្រជែងធំ Robert Lewandowski របស់ក្លឹប Bayern Munich។ យ៉ាងណាក្នុងឱកាសឈ្នះនោះ Messi ក៏ទទូចឲ្យ France Football គួរឲ្យពានទៅ Lewandowski មួយដែរទៅ ដោយសារតែគេធ្វើបានល្អខ្លាំងកាលពីឆ្នាំ២០២០៕