ចិន និង ថៃ ត្រៀមធ្វើសមយុទ្ធយោធារួមគ្នា ក្រោយខកខានអស់២ឆ្នាំ
- 2022-08-09 04:25:07
- ចំនួនមតិ 0 | ចំនួនចែករំលែក 0
ចិន និង ថៃ ត្រៀមធ្វើសមយុទ្ធយោធារួមគ្នា ក្រោយខកខានអស់២ឆ្នាំ
ចន្លោះមិនឃើញ
កងទ័ពអាកាសថៃបាននិយាយថា សមយុទ្ធយន្តហោះចម្បាំងរួមគ្នាប្រចាំឆ្នាំរវាងប្រទេសថៃ និងចិននឹងចាប់ផ្តើមឡើងវិញនៅចុងខែសីហានេះ បន្ទាប់ពីបានផ្អាកអស់រយៈពេល២ឆ្នាំក្នុងអំឡុងពេលជំងឺរាតត្បាត។ នេះបើតាមការចុះផ្សាយរបស់កាសែតបាងកក ប៉ុស្តិ៍។
សមយុទ្ធរវាងកងទ័ពថៃនិងចិន ធ្វើឡើងស្របពេលដែលចិនកំពុងធ្វើសមយុទ្ធយោធាធំនៅក្នុងសមុទ្រ និងដែនអាកាសជុំវិញកោះតៃវ៉ាន់ ក្នុងការបង្ហាញអំណាចយោធាបន្ទាប់ពីប្រធានសភាអាមេរិកធ្វើដំណើរទស្សនកិច្ចទៅកាន់កោះនេះ។
ប្រទេសថៃនឹងមិនដាក់ពង្រាយយន្តហោះចម្បាំង F-16 របស់ខ្លួនសម្រាប់សមយុទ្ធជាមួយប្រទេសចិននោះទេ ប៉ុន្តែនឹងប្រើប្រាស់យន្តហោះចម្បាំង Saab JAS-39 Gripen ក៏ដូចជាយន្តហោះវាយប្រហារធុនស្រាល Alpha Jet ដែលផលិតដោយអាល្លឺម៉ង់ជំនួសវិញ។
ថៃជាសម្ព័ន្ធមិត្តចាស់បំផុតរបស់អាមេរិកនៅអាស៊ី ប៉ុន្តែទំនាក់ទំនងមានភាពស្មុគស្មាញដោយសាររដ្ឋប្រហារយោធាឆ្នាំ ២០១៤។ រដ្ឋាភិបាលក្រុងបាងកក បានស្វែងរកការពង្រឹងទំនាក់ទំនងជាមួយប្រទេសចិនផងដែរ៕