នាំប្រិយមិត្តទៅលេងកោះចំនួន២ យកអារម្មណ៍ស្រស់ថ្លា មុនផ្ដើមការងារសប្ដាហ៍ថ្មី

2022-09-05 04:28:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមការងារ "ផ្លូវទៅស្រុក" រដូវកាលទី៤ បានទៅដល់កោះសំខាន់ៗក្នុងលំហរសមុទ្រកម្ពុជាជាច្រើនហើយ នៅក្នុងបេសកកម្មរុករកសក្ដានុពលកោះនានា ហើយថ្មីៗនេះពួកគេបានទៅដល់ចំនួន ២ ទៀត គឺកោះ ទន្សាយ និងកោះពោធិ៍។

តាមក្រុមការងាររុករករបស់ "ផ្លូវទៅស្រុក" រដូវកាលទី៤នេះ បានឲ្យដឹងថា កោះទន្សាយ និងកោះពោធិ៍ គឺជាកោះដ៏ស្រស់ស្អាតដែលប្រិយមិត្តកម្រទៅដល់ ក្នុងនោះកោះទន្សាយមានផ្ទៃក្រឡា ២គីឡូម៉ែត្រ មានមនុស្សរស់នៅប្រមាណ ២៥គ្រួសារ។ទីតាំងស្ថិតនៅប៉ែកអាគ្នេយ៍នៃទីក្រុងកែប និងមានចម្ងាយ ៤.៥គីឡូម៉ែត្រពីដីគោក។

ប្រសិនបើយកចង់ធ្វើដំណើរទៅ គឺត្រូវចំណាយពេលប្រមាណ ៣០នាទី។ នៅទីនោះ អ្វីដែលជាសក្ដានុពល គឺវាមានឆ្នេរខ្សាច់ស ទឹកសមុទ្រមានជម្រាលវែង ហើយរាក់ ដែលងាយសម្រួលបំផុតសម្រាប់ភ្ញៀវទេសចរចុះលេងកម្សាន្ត ដោយមិនមានអារម្មណ៍រងហានិភ័យ។

ដោយឡែកកោះពោធិ៍ មានចម្ងាយប្រហែល ៤គីឡូម៉ែត្រពីកោះទន្សាយ មានប្រជាជនរស់នៅប្រមាណ ៥០គ្រួសារ ដែលប្រកបរបរនេសាទ។ ក្រុមការងារ បានភ្ញាក់ផ្អើល ក្រោយបានទៅដល់លើកោះកម្រមានអ្នកស្គាល់នេះ នោះក៏ព្រោះតែពួកគេពើបប្រទះនឹងទេសភាពដ៏ស្រស់ស្អាត នៅកោះ ពោធិ៍នេះ។ អីចឹងទោះ ឆ្លៀតពេលបន្តិច កុំឲ្យស្ត្រេស្តពេក៖

អត្ថបទ៖ ទារិកា