ក្លឹបបង្កើតថ្មី វិសាខា ដាក់គោលដៅលេងលីគកំពូលឆ្នាំក្រោយ និងបង្កើតទីលានខ្លួនឯង

2017-02-28 07:48:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបបាល់ទាត់ដែលទើបតែបង្កើតបានជាង២០ថ្ងៃ វិសាខា បានប្រមូលកីឡាករនិងគ្រូបង្វឹករួចរាល់ហើយ ដើម្បីត្រៀមចូលលេងលីគលំដាប់ទី២ នៅរដូវកាលនេះ ក៏ដូចជាដាក់គោលដៅចូលលេងលីគកំពូលឱ្យបាននៅឆ្នាំក្រោយ។ នេះបើតាមលោក ហុក សុចិត្រា អ្នកចាត់ការទូទៅបានបញ្ជាក់។

កូនក្រុមរបស់ក្លឹប វិសាខា

ក្លឹបបាល់ទាត់ថ្មីស្រឡាងនេះ បង្កើតឡើងនៅថ្ងៃទី៥ ខែកុម្ភៈ ឆ្នាំ២០១៧ ក្រោមការឧបត្ថម្ភគាំទ្រពីសំណាក់ឯកឧត្ដម ស សុខា តំណាងរាស្រ្ដខេត្តព្រៃវែង និងជាអនុប្រធានសហព័ន្ធសហភាពយុវជនកម្ពុជា។ ដោយឡែកពួកគេមានលោកហុក សុចិត្រា ជាអ្នកចាត់ការទូទៅ និងលោក ហុក សុជីវន្ត ជាគ្រូបង្វឹក។ បច្ចុប្បន្នក្លឹបមានកីឡាករបាន ២៥នាក់សម្រាប់ចូលរួមលីគលំដាប់ទី២របស់កម្ពុជាឆ្នាំនេះ។

ហុក សុចិត្រា

លោក ហុក សិជីវន្ត

អ្វីដែលកាន់តែអស្ចារ្យថែមទៀតនោះ វិសាខា ក៏មានគម្រោងពង្រឹងសមត្ថភាពខ្លួន ដើម្បីឡើងទៅលេងនៅលីគកំពូលកម្ពុជាឱ្យបាននៅឆ្នាំក្រោយផងដែរ ក្រោមការបង្វឹករបស់អតីតគ្រូបង្វឹកក្រុម Cambodian Tiger ។ ដោយឡែក លោកតាមលោក ហុក សុចិត្រា បានបញ្ជាក់ក្លឹបមួយនេះក៏មានគម្រោងបង្កើតកីឡដ្ឋានផ្ទាល់មួយផងដែរនៅពេលអនាគត ខណៈដែលបច្ចុប្បន្ននៅជួលតារាងគេហ្វឹកហាត់សិនប៉ុណ្ណោះ៕

អត្ថបទ៖ មុន្នីរម្យ