មកស្គាល់ទីលានហ្វូតសាលស្តង់ដារដំបូងបំផុតនៅកម្ពុជា

2017-07-28 04:51:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតពានរង្វាន់ជាតិបាល់ទាត់ក្នុងសាលក្លៀ ឆ្នាំ២០១៧ (CLEAR NATIONAL FUTSAL CUP 2017) ចាប់ផ្ដើមចុងសប្ដាហ៍នេះនៅ CLEAR Arena at The Blue Sports Center ជាទីលានហ្វូតសាលស្តង់ដារដំបូងគេនៅកម្ពុជា។

តាមការឲ្យដឹងពីអ្នកគ្រប់គ្រងទីលានមួយនេះថា នេះជាទីលានហ្វូតសាលដែលមានលក្ខណៈស្តង់ដារដំបូងនៅកម្ពុជា។ វាមានខ្យល់បរិយាកាសល្អសម្រាប់លេងបាល់ទាត់ និងអាចកក់តារាងសម្រាប់ប្រកួតមិត្តភាពពេលថ្ងៃ ឬពេលយប់ ឬក៏ចុងសប្ដាហ៍ក៏បាន។ ទីលានដ៏អស្ចារ្យនេះអាចផ្ទុកចូលរួមបានប្រមាណ ៣០០ នាក់ ទៅ ៥០០ នាក់ផងដែរ។

កាន់តែអេមនោះ គឺទីលាននេះ មានបំពាក់ផ្ទាំងស្គ្រីនដ៏ធំសម្រាប់បញ្ចាំងការផ្សាយផ្ទាល់រាល់ការប្រកួតរបស់ក្រុមជម្រើសជាតិបាល់ទាត់កម្ពុជា ទាំងក្នុងស្រុក និងក្រៅស្រុក ជាមួយប្រព័ន្ធភ្លើងស្តង់ដារ និងប្រព័ន្ធបំពងសំឡេងដ៏ទំនើប ខណៈអ្នកគាំទ្រទាំងអស់អាចមកទស្សនាការផ្សាយផ្ទាល់ទាំងនោះលើផ្ទាំងអេក្រង់ដ៏ធំ ជាមួយ CLEAR នៅ The Blue Sports Center និងមានផាកសុខភាពមែនទែន។

ដើម្បីទៅដល់ទីនោះ អ្នកត្រូវធ្វើដំណើរតាមផ្លូវត្រឡោកបែកពីក្រោមស្ពានអាកាស ៧ មករា ឆ្លងកាត់ផ្លូវរថភ្លើង និងបន្តធ្វើដំណើរឆ្លងកាត់ភ្លើងស្តុបពីរ (ភ្លើងស្តុបត្រឡោកបែក និងភ្លើងស្តុបបត់ទៅផ្សារដីហុយ) រហូតដល់ផ្លូវបែកឆ្វេងធំមួយ (មានហាងសួនធម្មជាតិ)។ បត់តាមផ្លូវឆ្វេងដៃនេះ បន្តដំណើរហួសទីលានបាល់ទាត់វេស្ទើន និងបត់ស្ដាំដៃដល់ផ្លូវទីពីរ រួចបត់ឆ្វេងប្រហែលជា ១០០ ម៉ែត្រ នឹងឃើញ CLEAR Arena at The Blue Sports Center។

ព្រឹត្តិការណ៍ប្រកួតពានរង្វាន់ជាតិបាល់ទាត់ក្នុងសាលក្លៀ ឆ្នាំ២០១៧ នេះ នឹងដំណើរការប្រកួត២ដំណាក់កាល។

ប្រកួតដំណាក់កាលទី១

ពានរង្វាន់បាល់ទាត់ជាតិក្នុងសាលក្លៀ ឆ្នាំ២០១៧ លើកដំបូងនេះ មានក្រុមចូលរួមទាំងអស់ ២០ ក្រុមដែលត្រូវបានបែងចែកជា ៤ ពូលគឺ ក្នុង ១ ពូលមាន ៥ ក្រុម។ ដំណាក់កាលទី១ ជាការប្រកួតវគ្គសន្សំក្នុងពូល ដើម្បីស្វែងរកក្រុមខ្លាំង២ ដែលមានពិន្ទុឈរលើគេក្នុងពូលនីមួយៗ សរុបពូលទាំង៤ ស្មើនឹង ៨ ក្រុមឡើងវគ្គ ១០ ក្រុមចុងក្រោយ។ ២ក្រុមទៀត ត្រូវប្រៀបធៀបលទ្ធផលក្រុមលេខ៣ ក្នុងពូល A ជាមួយក្រុមលេខ៣ ក្នុងពូល B និងក្រុមលេខ៣ ក្នុងពូល C ជាមួយក្រុមលេខ៣ ក្នុងពូល D។ បន្ទាប់ពីធ្វើការប្រៀប ២ក្រុមដែលមានលទ្ធផលល្អជាងគេ នឹងឡើងទៅវគ្គ ១០ ក្រុមចុងក្រោយ។

ប្រកួតដំណាក់កាលទី២

ដំណាក់កាលនេះ ក្រុមខ្លាំងទាំង១០ ត្រូវបែងចែកជា ២ ពូល គឺពូល A និងពូល B ដែលពូលនីមួយៗមាន ៥ ក្រុម។ ក្រុមតាមពូលទាំងពីរនេះ ត្រូវប្រកួតសន្សំពិន្ទុ ដើម្បីស្វែងរកក្រុមដែលមានពិន្ទុខ្ពស់ជាងគេពីរក្រុមឡើងទៅវគ្គខ្វែង ឬវគ្គពាក់កណ្ដាលផ្ដាច់ព្រ័ត្រ។ នៅវគ្គពាក់កណ្ដាលផ្ដាច់ព្រ័ត្រ ក្រុមលេខ១ក្នុងពូល A ត្រូវជួបក្រុមលេខ២ ក្នុងពូល B ខណៈក្រុមលេខ១ ក្នុងពូល B ត្រូវជួបក្រុមលេខ២ ក្នុងពូល A។ ការប្រកួតវគ្គផ្ដាច់ព្រ័ត្រ ក្រុមចាញ់ប៉ះក្រុមចាញ់ ដើម្បីស្វែងរកក្រុមចំណាត់ថ្នាក់លេខ៣ និងក្រុមឈ្នះត្រូវប៉ះក្រុមឈ្នះ ដើម្បីស្វែងរកក្រុមជើងឯក។

១០ ក្រុមចុងក្រោយត្រូវលេងពានរង្វាន់បាល់ទាត់ជាតិក្នុងសាលក្លៀឆ្នាំខាងមុខ

អ្វីដែលពិសេសមួយទៀត ក្រុមដែលឆ្លងផុតដំណាក់កាលទី១ ទាំង១០ក្រុម មានឈ្មោះរួចជាស្រេចដើម្បីចូលរួមប្រកួតក្នុងពានរង្វាន់លីគបាល់ទាត់ក្នុងសាលជាតិ ដែលសហព័ន្ធបាល់ទាត់កម្ពុជាគ្រោងនឹងរៀបចំជាលើកដំបូងនៅឆ្នាំក្រោយ។

សប្ដាហ៍បើកឆាកនេះមានការប្រកួត៨គូ៖

ថ្ងៃសៅរ៍ ២៩ កក្កដា ២០១៧

ពូល A៖ ក្រុម B.A United vs Panda FC ក្រុម វេលាម៉ោង ២ រសៀល (ទូរទស្សន៍ MyTV ផ្សាយផ្ទាល់)
ពូល A៖ ក្រុម Neath Asia FC vs 3G FC ក្រុម វេលាម៉ោង ៣:៣០ រសៀល (ទូរទស្សន៍ MyTV ផ្សាយផ្ទាល់)
ពូល B៖ ក្រុម Chanteak Keyla FT vs VK ក្រុម United វេលាម៉ោង ៥ ល្ងាច
ពូល B៖ ក្រុម UYFC Komchaymear vs ក្រុម FAN Sport FC វេលាម៉ោង ៦:៣០ ល្ងាច

ថ្ងៃអាទិត្យ ៣០ កក្កដា ២០១៧