ក្រុមតន្ត្រី Mustache រម្លឹកគ្រាលំបាកបំផុត ពេលបង្កើតក្រុមដំបូង

2017-11-04 02:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Mustache Band គឺជាក្រុមតន្ត្រីបុរស១ ដែលទទួលបានការគាំទ្រយ៉ាងសម្បើមពីសំណាក់យុវវ័យដែលនិយមគាំទ្រវិស័យចម្រៀង។ ត្បិតទទួលបានជោគជ័យ និងការគាំទ្រខ្លាំងដូចនេះមែន តែក្រុមខាងលើប្រាប់ថាខ្លួនជួបការលំបាកខ្លាំងក្រោយកេរ្តិ៍ល្បីនេះ។

កាលពីជាង១ឆ្នាំមុន ក្រុមតន្ត្រី Mustache Band បានបង្ហាញខ្លួនយ៉ាងភ្ញាក់ផ្អើល ស្រពពេលដែលវិស័យចម្រៀងតែងនិពន្ធថ្មីកំពុងទទួលបានការពេញនិយម។ ពេលនោះ ពួកគេបានបញ្ចេញទី១ដែលមានចំណងជើងថា "ប្រុសម្នាក់នេះសំខាន់នៅពេលណា?" ហើយក៏ផ្ទុះការគាំទ្រតែម្ដង។ ការគាំទ្រនេះ ត្រូវបានសមាជិកក្នុងក្រុមទម្លាយថា បានធ្វើឲ្យក្រុមតន្ត្រីទាំងមូលប្រឈមនឹងការលំបាកខ្លាំងតែម្ដង។

ចេន

ក្នុងកម្មវិធី Sabay Session ដែលរៀបចំឡើងដោយក្រុមហ៊ុន Sabay កាលពីសប្ដាហ៍មុន ចេន ដែលអ្នកច្រៀងប្រចាំក្រុមនិយាយថា៖ "បទដំបូងនេះ បានធ្វើឲ្យពួកយើងទទួលបានការគាំទ្រដោយមិនដឹងខ្លួន តែពេលនោះហើយដែលយើងពិបាកខ្លាំងដែរ ព្រោះមានគេទាក់ទងឲ្យទៅច្រៀងជាហូរហែ តែយើងខ្វះគ្នា ដោយកាលណោះមានតែ៣នាក់ អីចឹងពិបាកចេញទៅច្រៀងខាងក្រៅ។ ពេលនេះយើងមាន Bily និង តាប់ មកចូលរួមហើយ សង្ឃឹមថាពួកគេមិនបែកចិត្តចាកចេញទៅវិញឲ្យសោះ"។

ក្រុម Mustache Band ត្រូវបានបង្កើតឡើងដំបូងនៅឆ្នាំ២០១៦ ដែលមានសមាជិក៣នាក់គឺ ចេន អ្នកច្រៀង ប៉ាវ អ្នកលេងហ្គីតា ម៉ានុត អ្នកវាយស្គរ ក្រោយមកទើបមានសមាជិក២ទៀតចូលរួមគឺ Billy អ្នកលេងហ្គីតា Solo និង តាប់ អ្នកលេងព្យាណូ៕