ឈឺចាប់ហួសថ្លែង ស្រីនាង រដ្ឋា និង អេនឌី ឈឺចាប់ស្របគ្នាក្នុងបទ "ទីបំផុតទើបដឹងគេកុហក"

2018-05-07 04:01:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បទថ្មីរបស់លោក អេនឌី "ទីបំផុតទើបដឹងគេកុហក" ជាប្រភេទ Original Songទើបបានចេញផ្លូវការនៅថ្ងៃនេះ បន្ទាប់ពីចំណាយពេលផលិតជាង១ខែដើម្បីសម្រិតសម្រាំង។ កែវ ស្រីនាង និង ទឹម រដ្ឋា ត្រូវបានជ្រើសឲ្យចាប់ដៃគ្នា រំលេចឈុតឆាកស្នេហា ស្រី និងស្រី បំភ្លៃស្នេហាស្រស់បំព្រងមួយគូ អោយស្គាល់តែទុក្ខសោក ឈឺចាប់ហួសការស្មាន។

តាមរយៈការសម្ដែងក្នុងបទថ្មីខាងលើ អេនឌី ដែលជាម្ចាស់បទ បានបញ្ចេញឲ្យដឹងថា នោះជាទិដ្ឋភាពថ្មីមួយរបស់តារាសម្ដែងស្រីទាំងទ្វេដែលមានបទពិសោធន៍ចាស់វស្សាដូចគ្នា។ បើហើយទោះ មិនដែលជួបសម្ដែងពីមុនមក ពួកគេនៅតែសម្ដែងបានឥតខ្ចោះ។ "រដ្ឋា សម្ដែងល្អ ហើយស្រីនាង រឹតតែល្អទៀត នាងសម្ដែងដល់...ណាស់បង គឺល្អខ្លាំងតែម្ដង"។ អេនឌី ថ្លែង។

មានស្នេហ៍ជាមួយសង្សារប្រុសម្នាក់ទៅហើយ នៅឡើយទៅបង្កាត់ភ្លើងស្នេហ៍ថ្មីស្រី និងស្រីឡើងមកថែមទៀត ដូចដាំដើមឈឺចាប់ ហើយក៏បង្ហូរទឹកភ្នែកមកស្រោចស្រពទាំងអស់គ្នា...ស្នេហាមួយនេះ នរណាទៅ ដែលប្រាថ្នាចង់ជួប!!!

ស្ដាប់ និងទស្សនាវីដេអូចម្រៀងស្នេហាឈឺចាប់មួយនេះ សូមចុចទីនេះ!!!