ទីបំផុត! រឿង"៣ខែ" ទទួលបានជយលាភី១ ត្រៀមផលិតភាពយន្តខ្នាតធំហើយ

2018-05-31 03:10:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតរឿង "៣ខែ" ទទួលបានជយលាភីលេខ១ ក្នុងកម្មវិធី "ប្រកួតប្រជែងអ្នកនិពន្ធឆ្នើម" ប្រចាំឆ្នាំ ២០១៧ របស់ផលិតកម្ម Rock ត្រៀមផលិតជាភាពយន្តខ្នាតធំក្នុងពេលឆាប់នេះហើយ។

ភេទ ចា ម្ចាស់ជយលាភី និង លោក យឹម សុសត្យា

បើតាមលោក យឹម សុសត្យា ហៅ លី ម៉េង ប្រធានគ្រប់គ្រងកម្មវិធី និងជំនួយការអគ្គនាយក នៅផលិត Rock បានឲ្យដឹងថា មួលហេតុដែលផលិតកម្មលោក យករឿងខ្លី"៣ខែ" ជយលាភីលេខ១ មកផលិតជាភាពយន្តខ្នាតធំដាក់បញ្ចាំងនៅរោងកុន ដោយសារតែរឿងមួយនេះទទួលបានការគាំទ្រយ៉ាងខ្លាំងពីសំណាក់អ្នកប្រើប្រាស់ហ្វេសប៊ុក និង Youtube ក្រោយពីបង្ហោះ។

លោកជឿជាក់ថា នៅពេលរឿង"៣ខែ" ដាក់បញ្ចាំងនៅរោងកុន នឹងទទួលបានការគាំទ្រពីទស្សនិកជន ព្រោះប្រជាជនខ្មែរនាពេលបច្ចុប្បន្នចូលចិត្តមើលរឿងភ័យរន្ធត់ អប្បិយជំនឿកូនក្រក និងមន្តអាគម ដែលល្បីតៗគ្នាតាំងពីសម័យបុរាណមក។

ភេទ ចា ម្ចាស់ជយលាភី និង លោក យឹម សុសត្យា

"យើងជឿជាក់ថានឹងទទួលបានជោគជ័យ នៅពេលរឿងហ្នឹងដាក់បញ្ចាំងនៅរោងកុន ព្រោះក្នុងឃ្លិបវីដេអូរឿងខ្លី យើងចោះយកតែប៉ុន្មានស៊ីនមកដាក់ទទួលបានការគាំទ្រទស្សនិកជន។ ប៉ុន្តែនៅពេលយកមកផលិតជារឿងខ្នាតធំ យើងនឹងសម្រិតសម្រាំងវាឲ្យបានល្អជាងមុន ដើម្បីឲ្យអ្នកទស្សនាជក់ចិត្ត"។ លោក លី ម៉េង ថ្លែងបញ្ជាក់។

ចំណែកឯម្ចាស់ជយលាភី១រឿង "៣ខែ" ភេទ ចា ជានិស្សិតឆ្នាំទី២ នៅវិទ្យាស្ថានស៊ីតិក ផ្នែកឌីហ្សាញបានបង្ហាញអារម្មណ៍សប្បាយរីករាយឥតឧបមា ព្រោះមិននឹកស្មានថា ក្ដីស្រមៃរបស់ខ្លួនអស់រយៈពេលជាច្រើនឆ្នាំមកនេះបានក្លាយជាការពិត។ ក្រោយពីដាក់ពាក្យប្រឡងក្នុងកម្មវិធី "ប្រកួតប្រជែងអ្នកនិពន្ធឆ្នើម" របស់ផលិតកម្ម Rock។

អ្នកនិពន្ធវ័យក្មេងរូបនេះថា៖" ខ្ញុំមិននឹកស្មានថា រឿងដែលខ្ញុំនិពន្ធតាំងពីឆ្នាំ ២០០៩ ត្រូវបានផលិតកម្ម Rock ជ្រើសរើសយកទៅថតភាពយន្តខ្នាតធំដាក់បញ្ចាំងនៅរោងកុននោះទេ។ ពេលនេះក្ដីស្រមៃប្អូនបានក្លាយជាការពិតហើយ។ រឿង"៣ខែ" គឺជារឿងមួយដែលខ្ញុំស្រឡាញ់ជាងគេ ក្នុងចំណោមរឿង ៥០របស់ខ្ញុំ"។

រឿង"៣ខែ" ត្រៀមនឹងចេញថតបន្ទាប់ពីភាពយន្តខ្នាតធំ"ឈាម" ដោយចំណាយដើមទុនប្រហែល ៤ម៉ឺនដុល្លារអាមេរិក។ ចំណែកឯទីតាំងថតអាចនៅទីក្រុងភ្នំពេញ និងខេត្តកំពត មិនទាន់ប្រាកដច្បាស់។ ចំពោះតួអង្គក្នុងរឿងកំពុងតែជ្រើសរើសនៅឡើយ៕

រឿង"៣ខែ" ខ្នាតខ្លី មុនយកទៅផលិតជាភាពយន្តខ្នាតធំ

អត្ថបទ៖ ឆុង ស៊ីណាន

អត្ថបទពេញនិយម

មេបញ្ជាការ កងទ័ពថៃ កងពលធំទី២ ជានរណា? ខណៈថ្មីៗនេះមានការប៉ះទង្គិចជាមួយ កម្ពុជា

មកដឹងពីសវតា របស់ ទាហានឈុតខ្មៅ ដែលកំពុងដើរតួនាទីជាកម្លាំងជំនួយ របស់កងទ័ព ថៃ

មេបញ្ជាការ កងស៊ើបការណ៍យោធាថៃ "សូមឱ្យទាហានយើង មានភ្នែកមុតស្រួចដូចឥន្ទ្រី ត្រចៀកវៃដូចទីទុយ"

ថៃ ចល័តទ័ព ទៅកាន់ខេត្តជាប់ព្រំដែន ត្រៀមខ្លួនរួចស្រច ក្នុងករណីមានការប្រយុទ្ធគ្នា ជាមួយកម្ពុជា

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

ស្ថាប័នកំពូល ២របស់កម្ពុជា គាំទ្ររាជរដ្ឋាភិបាលចំពោះករណីជម្លោះព្រំដែនថៃ ទៅតុលាការអន្ដរជាតិ

អត្ថបទថ្មី

គម្រោងលំនៅឋានអារ៉ាខាវ៉ា ២ ត្រូវបានដាក់សម្ពោធបើកលក់ជាផ្លូវការ មានយូនីតសរុប ៩៦០

ដូនតាទូរសព្ទ ដែលធ្លាប់ចេញមកអង្រួនពិភពបច្ចេកវិទ្យា កាលពីជាង ៣ ទសវត្សមុន

កម្ពុជា ត្រៀមដាក់ពាក្យបណ្តឹងទៅកាន់ តុលាការយុត្តិធម៌អន្តរជាតិ ជុំវិញជម្លោះព្រំដែនជាមួយ ថៃ