ដែលឮអត់? ប្រើអាលុយមីញ៉ូមអាំងត្រី ធ្វើឲ្យ WiFi ដើរលឿន

2019-03-19 02:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សំនួរមួយក្នុងចំណោមសំនួរជាច្រើនផ្សេងទៀតដែលធ្លាប់បានសួរមកផេកសប្បាយនោះគឺ ធ្វើម៉េចឲ្យសេវា WiFi ខ្លាំងរត់បានពេញទីធ្លាផ្ទះ ហើយអ្នកក៏ខ្លះបានសួរដែរថា តើអាលុយមីញ៉ូមដែលគេនិយមយកមកខ្ចប់អាហារអាំងនោះ ពិតជាអាចបន្ថែមល្បឿន WiFi បានមែនដែរ ឬអត់?

ចម្លើយនោះគឺអាច ពិសេសគឺវាជួយជំរុញសេវា WiFi ទៅតាមទីតាំងណាដែលខ្សោយ ឲ្យប្រែជាខ្លាំងឡើងវិញ។ មូលហេតុនោះព្រោះថា ជាទូទៅដុំ Router ដែលប្រើរាល់ថ្ងៃ វាបញ្ចេញសេវាបែកភាយពេញអាកាស ហើយវាត្រូវបានបាំង ឬស្រូបយកដោយជញ្ជាំងផ្ទះរបស់អ្នកដែលធ្វើឡើងពីស៊ីម៉ងត៏ ឬជាតិដែក ធ្វើឲ្យកម្រិតសេវា WiFi មួយចំនួនមិនបានទៅដល់បន្ទប់អ្នក។

ដូច្នេះអាលុយមីញ៉ូមដែលគេយកមករុំចម្អិនអាហារ ឬកំប៉ុងទឹកក្រូចផ្នែកខាងក្នុងនោះ អាចឃាំងសេវា WiFi ពីទីតាំងដែលមិនគួរទៅដូចជាជញ្ជាំងជាដើម ប្ដូរទៅទីតាំងដែលអ្នកចង់ឲ្យមានសេវាវិញ។

វិធីធ្វើ៖ គ្រាន់តែកាត់កញ្ចប់អាលុយមីញ៉ូមនោះទំហំល្មមតាមដុំ Router អ្នក បន្ទាប់មកដាក់វាបញ្ឈរពីក្រោយដុំ Router ហើយបែរមុខទៅទីតាំងដែលសេវា WiFi ខ្សោយ។ រួចទាញទូរសព្ទ ឬកុំព្យូទ័រមកមើលល្បឿន WiFi អ្នកនឹងឃើញពីភាពខុសគ្នា៕