គួរឲ្យសរសើរ! ព្យុះខ្លាំងដាច់ភ្លើង តែប្រជាជនជប៉ុនច្នៃដបទឹកសុទ្ធនិងស្មាតហ្វូនបង្កើតចង្កៀងភ្លើងពិសេស
- 2019-10-16 01:12:55
- ចំនួនមតិ 0 | ចំនួនចែករំលែក 0
គួរឲ្យសរសើរ! ព្យុះខ្លាំងដាច់ភ្លើង តែប្រជាជនជប៉ុនច្នៃដបទឹកសុទ្ធនិងស្មាតហ្វូនបង្កើតចង្កៀងភ្លើងពិសេស
ចន្លោះមិនឃើញ
បុរសជនជាតិជប៉ុនមួយរូបបានផ្តួចផ្តើមគំនិតពោរពេញដោយភាពច្នៃប្រឌិត តាមរយៈការប្រើប្រាស់ដបទឹកសុទ្ធ ទឹកដោះគោ ជាមួយនឹងស្មាតហ្វូនក្នុងការបង្កើតនូវចង្កៀងភ្លើងបណ្តោះអាសន្ននៅស្ថានភាពរងគ្រោះនៃព្យុះដ៏កាចសាហាវ Hagibis។
ជប៉ុនដែលរងគ្រោះដោយព្យុះកំណាចខកខានកើតមាននៅរយៈពេល ៦០ ឆ្នាំ ក៏រុញច្រានឲ្យតំបន់ខ្លះត្រូវកាត់ផ្តាច់ចរន្តអគ្គិសនី។ ក្នុងកាលៈទេសៈនេះដែរ បុរសម្នាក់បានបង្កើតនូវចង្កៀងប្រើបណ្តោះអាសន្ន ដែលឆ្លងកាត់ពន្លឺនៃពិល Flash របស់ស្មាតហ្វូន ហើយយកដបទឹកសុទ្ធមកដាក់ចំពីលើទីតាំងនោះ និងចាក់ទឹកដោះគោដែលមានសារធាតុរាវពណ៌សចូលទៅក្នុងដបនោះមួយផ្នែក ដើម្បីឲ្យមានពន្លឺចែងចាំងខ្លាំង។
បាតុភូតនៃការអនុវត្តមួយនេះឲ្យឈ្មោះថា 'Tyndall' ពោលគឺនៅពេលពន្លឺឆ្លងកាត់អង្គធាតុរាវដែលបង្កើតឡើងដោយភាគល្អិតផ្សេងៗគ្នា វានឹងបញ្ចេញនូវកាំរស្មីពន្លឺចាំងទៅក្នុងមុំជាច្រើន បែបនេះការប្រើប្រាស់ទឹកដោះគោនិងទឹកធម្មតា អាចជួយឲ្យមានពន្លឺជះខ្លាំងជាងធម្មតា។
ការអនុវត្តនេះដែរលោកក៏បានចែកចាយលើបណ្តាញសង្គម ហើយទទួលបានការគាំទ្រច្រើន និងបច្ចុប្បន្នកំពុងមានការប្រើប្រាស់នៅតាមទិសតំបន់ដែលជួបគ្រោះអាសន្នមួយនេះ៕
អានអត្ថបទ:
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
