Son លេងទាំងភ័យខ្លាចជាមួយកូរ៉េខាងជើង ព្រោះមិនខុសពីសង្គ្រាម
- 2019-10-17 02:18:04
- ចំនួនមតិ 0 | ចំនួនចែករំលែក 0
Son លេងទាំងភ័យខ្លាចជាមួយកូរ៉េខាងជើង ព្រោះមិនខុសពីសង្គ្រាម
ចន្លោះមិនឃើញ
ខ្សែប្រយុទ្ធរបស់ Spurs កីឡាករ Son Heung-min បាននិយាយថា ការប្រកួតជម្រុះ World Cup ជាប្រវត្តិសាស្ត្រក្នុងទីក្រុង Pyongyang ជាការលេងកាចបំផុតមួយ ដែលធ្វើឲ្យគេបារម្ភខ្លាចរបួស។
ការប្រកួតដែលធ្វើឡើងក្នុងទឹកដីកូរ៉េខាងជើងបានបញ្ចប់ទៅស្មើគ្នា ០-០ កាលពីថ្ងៃអង្គារកន្លងទៅ ដោយការប្រកួតនោះប្រធាន FIFA លោក Gianni Infantino ក៏បានទៅចូលរួមទស្សនាដែរ។ យ៉ាងណាការប្រកួតនេះបានបិទមិនឲ្យមានការផ្សាយផ្ទាល់ មិនមានអ្នកកាសែតបរទេសចូលរួម ក៏ដូចជាគ្មានអ្នកគាំទ្រផងដែរ។
ក្រោយបញ្ចប់ការប្រកួតហោះមកដល់ប្រលានយន្តហោះកូរ៉េខាងត្បូងវិញ Son Heung-min បានបង្ហាញអារម្មណ៍ថា៖ "វាពិតជាអាក្រក់ណាស់ដែលពួកយើងមិនបានឈ្នះ ប៉ុន្តែការប្រកួតពិតជាកាចណាស់។ តែខ្ញុំគិតថា វាជាសំណាងធំមួយដែលត្រលប់មកផ្ទះវិញសុវត្ថិភាព ដោយគ្មានបញ្ហារបួស។ Son បន្ថែមថា កីឡាករកូរ៉េខាងជើងលេងកាចណាស់ ខណៈមុនការប្រកួតក៏មានការស្បថដែរ។
អនុប្រធានសហព័ន្ធបាល់ទាត់កូរ៉េខាងត្បូងលោក Choi Young-il បានហៅការប្រកួតរវាងកូរ៉េទាំងពីរថា ដូចជាសង្គ្រាមអញ្ចឹង មិនធ្លាប់ឃើញពីមុនមកទេ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
