នៅសល់ពេល ៣ ថ្ងៃទៀត មហោស្រពពិព័រណ៍ស្ទែមលើកទី១៥ នឹងចាប់ផ្ដើម

2019-11-25 02:10:14
ចំនួនមតិ 0 | ចំនួនចែករំលែក 0

ចន្លោះមិនឃើញ

មហោស្រពពិព័រណ៍វិទ្យាសាស្រ្តកម្ពុជាប្រចាំឆ្នាំលើកទី១៥ ដែលជាពិព័រណ៍ស្ទែមដើម្បីបរិស្ថានបៃតងដំបូងបង្អស់នៅក្នុងព្រះរាជាណាចក្រកម្ពុជា នឹងមានការដាក់តាំងបង្ហាញគម្រោងស្ទែមប្រកបដោយនវានុវត្តន៍ ក្នុងចំនួនរាប់រយ ដែលនឹងបំផុសស្មារតីរបស់អ្នក។

ក្រៅពីនេះ យើងមានការប្រកួតប្រជែងរ៉ូបូតផ្សេងៗដែលនឹងធ្វើឱ្យអ្នកមានក្ដីរំភើប។ ការសំដែងសិល្បៈបានហាត់សម និងត្រៀមខ្លួនជាស្រេចដើម្បីផ្ដល់ជូនអ្នកនូវការកម្សាន្តរីករាយ។ បាឋកថាស្ទែមនឹងបង្ហាញអំពីវិធីដើរតាមវិថីស្ទែមដើម្បីភាពជោគជ័យលើអាជីពការងារ។ កន្លែងបណ្ដុះបណ្ដាលវីរជនបរិស្ថាននឹងល្បងសមត្ថភាពអ្នកឱ្យចូលរួមដើម្បីបរិស្ថាន។

តើទម្លាប់ណាខ្លះដែលអ្នកអាចផ្លាស់ប្ដូរបានដើម្បីបរិស្ថានស្អាត និងមានចីរភាព? សូមកុំខកខានឱកាសនេះឱ្យសោះ ដែលយើងមានបាឋកថារបស់កញ្ញា ឡូរ៉ា ម៉ម នៅថ្ងៃព្រហស្បតិ៍ ទី២៨ ម៉ោង៣ល្ងាច និងការប្រគំតន្រ្តីអេកូដ៏អស្ចារ្យចាប់ពីម៉ោង៥ល្ងាចតទៅ ដោយមានការចូលរួមសំដែងដោយសិល្បករពីផលិតកម្មបារមី និងក្រុម Hashtag ដែលជាជ័យលាភី Battle of the Bands ប្រចាំឆ្នាំ ២០១៩។

មហោស្រពពិព័រណ៍វិទ្យាសាស្រ្តកម្ពុជាប្រចាំឆ្នាំលើកទី១៥ នឹងចាប់បើក នៅថ្ងៃព្រហស្បតិ៍ ទី២៨ និងសុក្រ ទី២៩ ខែវិច្ឆិកា ឆ្នាំ២០១៩ នៅដឹព្រេមៀ សេនធ័រសែនសុខ ចាប់ពីម៉ោង ៨ព្រឹកទៅ។ សូមមកចូលរួមទាំងអស់គ្នា!

យើងខ្ញុំក៏សូមថ្លែងអំណរគុណយ៉ាងជ្រាលជ្រៅដល់ដៃគូសហការ និងម្ចាស់ឧបត្ថម្ភកម្មវិធីទាំងអស់ដែលបានជួយឱ្យព្រឹត្តិការណ៍នេះអាចប្រព្រឹត្តទៅបាន។ សូមបញ្ជាក់ យើងនឹងព្យាយាមប្រើដបទឹកប្លាស្ទិកឱ្យបានតិចបំផុតតាមដែលអាចធ្វើទៅបាន និងសូមយកដបពីផ្ទះ ហើយប្រើដុងទឹករួមដែលយើងខ្ញុំនឹងមានផ្ដល់ជូន។

ដើម្បីចុះឈ្មោះចូលរួមអាចចូលទៅកាន់ ៖ https://www.facebook.com/STEMCambodia/
សម្រាប់ព័ត៌មានបន្ថែម សូមចូលទៅកាន់ http://stemcambodia.org/៕

ពាក្យទាក់ទង