Llorente លក់អាវដែលទាត់ចូល២គ្រាប់ទម្លាក់ Liverpool ក្រោមហេតុផលសំខាន់មួយ
- 2020-04-15 03:25:01
- ចំនួនមតិ 0 | ចំនួនចែករំលែក 0
Llorente លក់អាវដែលទាត់ចូល២គ្រាប់ទម្លាក់ Liverpool ក្រោមហេតុផលសំខាន់មួយ
ចន្លោះមិនឃើញ
ខ្សែបម្រើរបស់ក្លឹប Atletico Madrid កីឡាករ Marcos Llorente បានលក់អាវដែលគេទាត់ចូលក្រុម Liverpool ២គ្រាប់ ដើម្បីរៃអង្គាសប្រាក់ជួយអេស្ប៉ាញប្រយុទ្ធប្រឆាំងនឹងវីរុសកូរ៉ូណា។
កីឡាករវ័យ២៥ឆ្នាំបានប្ដូរចូលនៅវគ្គទីពីរក្នុងកីឡដ្ឋាន Anfield រកបាន២គ្រាប់ និង Assist ១គ្រាប់ ជួយ Atletico ឈ្នះហង្សក្រហម ៣-២ ពាន Champions League វគ្គ១៦ក្រុមចុងក្រោយជើងទីពីរ។ សរុបទាំងពីរជើង Atletico ឈ្នះ ៤-២។
Llorente បានបរិច្ចាគអាវរបស់ខ្លួនទៅឲ្យមូលនិធិមួយ ដែលកំពុងជួយអេស្ប៉ាញពីជំងឺរាតត្បាត។ អាវមួយនោះត្រូវបានគេទិញក្នុងតម្លៃ៨ ១០០អឺរ៉ូ ដែលជាប្រាក់រៃបានយ៉ាងសំខាន់សម្រាប់មូលនិធិ។ អេស្ប៉ាញជាប្រទេសមួយដែលមានការឆ្លងអាក្រក់បំផុតមួយនៃតំបន់អឺរ៉ុប អំឡុងពេលវិបត្តិកូរ៉ូណា មានការឆ្លងជាង ១៧២ ០០០ករណី និងស្លាប់១៨ ០០០ករីណ៕