លាងដៃញឹកញាប់រហូតស្ងួត ប្រេះ គួរសាកវិធីកែខៃនេះដើម្បីប្រែជាស្អាតនិងសុវត្ថិភាពពី Covid-19
- 2020-04-24 08:05:00
- ចំនួនមតិ 0 | ចំនួនចែករំលែក 0
លាងដៃញឹកញាប់រហូតស្ងួត ប្រេះ គួរសាកវិធីកែខៃនេះដើម្បីប្រែជាស្អាតនិងសុវត្ថិភាពពី Covid-19
ចន្លោះមិនឃើញ
អំឡុង Covid-19 មនុស្សជាច្រើនក៏មានបញ្ហាស្បែកដៃផងដែរ ដោយសារតែពួកគេលាងដៃញឹកញាប់ជាមួយសាប៊ូ ឬអាល់កុលដែលមានសាមាសធាតុដល់ទៅ ៧០% ដើម្បីឲ្យប្រាកដថាមេរោគមិនអាចតោងបាន។ វិធីដ៏ល្អនេះបានជួយចូលរួមទប់ស្កាត់ការឆ្លងនៃជំងឺ Covid-19 ប៉ុន្តែទន្ទឹមនឹងនេះ សម្រាប់អ្នកដែលជួបប្រទះដៃប្រែជាស្ងួត ប្រេះ ក៏ត្រូវរកវិធីដើម្បីរក្សាដៃឲ្យនៅស្អាតដូចដើម។ ហេតុនេះហើយ ជំនួយការសាស្រ្តចារ្យលោកស្រីវេជ្ជបណ្ឌិត Suwirakorn Thamsak ប្រធាននៃសមាគមជំនាញផ្នែកសើស្បែកនិងសកម្មភាពសង្គមនៅប្រទេសថៃ ផ្តល់អនុសាសន៍អំពីការថែរក្សាដៃឲ្យមានសុខភាពល្អ មិនស្ងួតបាន។
ផ្អែកតាមលោកស្រីវេជ្ជបណ្ឌិតណែនាំថា បន្ទាប់ពីលាងដៃដោយទឹកអាល់កុលរួច អ្នកអាចលាបផលិតផលផ្តល់សំណើមដូចជា ជែលប្រទាលកន្ទុយក្រពើ គ្លីសេរីនឬ វីតាមីន E ជាដើម ដោយលាបថ្នមៗលើបាតដៃភ្លាមៗ។ ប៉ុន្តែបើប្រើជែលលាងដៃ ត្រូវរង់ចាំរហូតជែលស្ងួតសិន មុនពេលលាបផលិតផលផ្តល់សំណើមទាំងនោះ។
តើត្រូវធ្វើដូចម្តេច ប្រសិនបើមានបញ្ហាអាឡែហ្សីជាមួយអាល់កុល?
តាមការសិក្សា កម្រមានអ្នកអាឡែហ្សីជាមួយអាល់កុលណាស់ លុះត្រាតែអ្នកប្រើចំអាល់កុលក្លែងក្លាយដែលមានសារជាតិមេតាណុលច្រើន ទើបធ្វើឲ្យមានបញ្ហានេះកើតឡើង។ យ៉ាងណាក៏ដោយ ប្រសិនអ្នកជួបញ្ហានេះ អ្នកគួរប្រើស្រោមដៃ ដើម្បីចៀសវាងមេរោគតោងផ្ទាល់មកលើស្បែកដៃផងដែរ។
តើការប្រើសាប៊ូលាងសម្អាតដៃ និងលាងដៃដោយអាល់កុល ឬ ជែលលាងដៃ មួយណាល្អប្រសើរជាង? ជាធម្មតា ទាំងផលិតផលសម្អាតដៃដូចជាសាប៊ូ និងការប្រើអាល់កុល ឬជែលលាងដៃ សុទ្ធតែអាចកម្ចាត់មេរោគនិងពពួកសុខុមប្រាណបាន។ យ៉ាងណាមិញ អាល់កុល និងជែលលាងដៃមានលក្ខណៈងាយស្រួលជាង ព្រោះនៅពេលអ្នកចាំបាច់ត្រូវចេញក្រៅផ្ទះ ឬក្នុងស្ថានភាពប្រញាប់ អ្នកអាចប្រើវាបាន បើទោះផលិតផលទាំងនោះថ្លៃបន្តិចក៏ដោយ។
បន្ថែមពីនេះ ជែលសម្រាប់លាងដៃជាមួយអាល់កុលអាចសម្លាប់មេរោគ Covid-19 បានប៉ុន្តែវាមិនអាចសម្លាប់បាក់តេរីនិងមេរោគផ្សេងៗដូចជា Rotavirus និង Norovirus ឡើយ។ ការលាងដៃជាមួយជែល ឬអាល់កុល សម្អាតដៃឲ្យបានត្រឹមត្រូវ គឺជាទម្លាប់ដ៏មានសារៈសំខាន់ ព្រោះវាអាចការពារពីមេរោគរាតត្បាតផ្សេងៗ រួមទាំងជំងឺផ្លូវដង្ហើម ជំងឺរាគ និងមេរោគរមាស់ស្បែកផងដែរ។
ដូច្នេះ អ្នកទាំងអស់គ្នាគប្បីកុំចេញក្រៅផ្ទះក្នុងករណីមិនចាំបាច់ ឧស្សាហ៍លាងដៃ ញ៉ាំអាហារក្តៅៗ ហូបអាហារសុខភាព ពាក់ម៉ាស រក្សាគម្លាត ដើម្បីចូលរួមទប់ស្កាត់ទាំងអស់គ្នានូវវិបត្តិនៃ Covid-19 ៕
អានបន្ត៖ អត្ថប្រយោជន៍ដ៏គួរឲ្យភ្ញាក់ផ្អើលនៃការញ៉ាំទឹកក្ដៅឧណ្ហៗជារៀងរាល់ព្រឹក