មេ Tesla ថាភាសានិយាយរបស់មនុស្សនឹងហួសសម័យក្នុងពេល ៥-១០ឆ្នាំទៀត
- 2020-05-13 06:46:12
- ចំនួនមតិ 0 | ចំនួនចែករំលែក 0
មេ Tesla ថាភាសានិយាយរបស់មនុស្សនឹងហួសសម័យក្នុងពេល ៥-១០ឆ្នាំទៀត
ចន្លោះមិនឃើញ
លោក Elon Musk ដែលជានាយកប្រតិបត្តិក្រុមហ៊ុនរថយន្តអគ្គិសនី Tesla បាននិយាយថាភាសានិយាយអាចនឹងហួសសម័យឆាប់ៗនេះ ពេលដែលបច្ចេកវិទ្យាខួរក្បាលកាន់តែរីកចម្រើនខ្លាំងទៅ។
ពេលបង្ហាញមុខក្នុងកម្មវិធី Joe Rogan Experience កាលពីថ្មីៗនេះ លោក Elon និយាយថាបច្ចេកវិទ្យា Neuralink ដែលជាការបំពាក់នូវឧបករណ៍ដើរដោយថាមពលថ្មចូលទៅក្នុងខួរក្បាល អាចនឹងចេញនៅក្នុងពេលប៉ុន្មានឆ្នាំទៀត ហើយវាអាចនឹងជួសជុលរាល់បញ្ហាទាំងអស់ដែលកើតមាននៅក្នុងខួរក្បាល។ ក្រៅតែពីអាចព្យាបាលនូវជំងឺឆ្កួតជ្រូក ឬស្កន់ លោក Elon និយាយភាសានិយាយរបស់មនុស្សលោកអាចនឹងត្រូវហួសសម័យផងដែរ ដោយសារបច្ចេកវិទ្យាថ្មីនេះ។
លោកបាននិយាយដូចនេះថា ៖ "អ្នកនឹងអាចធ្វើការទំនាក់ទំនងរវាងគ្នានឹងគ្នាបានកាន់តែលឿនជាងមុន និងច្បាស់ជាងមុន...ខ្ញុំមិនច្បាស់ថានឹងអាចមានរឿងអ្វីកើតឡើងចំពោះភាសានិយាយនោះទេ។”
នាយកប្រតិបត្តិនេះបាននិយាយថា បច្ចេកវិទ្យាខាងលើអាចនឹងកើតមានក្នុងពេល ៥ ទៅ ១០ ឆ្នាំទៀត ក្នុងករណីដែលបច្ចេកវិទ្យាបន្តអភិវឌ្ឍន៍ទៅមុខឥតឈប់ឈរដូចពេលបច្ចុប្បន្ននេះ៕