តារាស្រី ៤រូប ឲ្យពេទ្យពិនិត្យសព្វគ្រប់ ដើម្បីបញ្ជាក់ថាខ្លួនស្អាតធម្មជាតិ

2020-05-28 08:35:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារទទួលរងពាក្យចចាមអារ៉ាមថាធ្លាប់វះកាត់កែសម្ផស្ប តារាស្រីល្បីៗ ៤រូប បានសម្រេចចិត្តទៅមន្ទីរពេទ្យ ដើម្បីឲ្យវេជ្ជបណ្ឌិតពិនិត្យ បញ្ជាក់ឲ្យដឹងថាសម្រស់ស្រស់ស្អាតរបស់ខ្លួន គឺស្អាតពីធម្មជាតិពិតៗ។

១. Angelababy

កាលពីឆ្នាំ២០១៥ តារាសម្ដែង Angelababy បានទៅកាន់មន្ទីរពេទ្យវិទ្យាសាស្ត្រចិន ដើម្បីឲ្យវេជ្ជបណ្ឌិតផ្នែកកែសម្ផស្សលោក Qi Zouliang ពិនិត្យមើលទម្រង់មុខរបស់ខ្លួន និងលទ្ធផលបង្ហាញថានាងពិតជាស្អាតដោយធម្មជាតិពិតប្រាកដមែន។ ការត្រួតពិនិត្យនេះត្រូវបានធ្វើឡើងនៅចំពោះមុខមេធាវីរបស់នាង សហការីរបស់តុលាការពីរនាក់ និងអ្នកកាសែតជាច្រើន។

នៅពេលទៅពិនិត្យ X-ray នេះ Angelababy មិនបានផាត់មុខអ្វីទាំងអស់។ វេជ្ជបណ្ឌិត Qi បានពិនិត្យឲ្យតារាសម្ដែងអាយុ ២៦ ឆ្នាំដោយផ្ទាល់។ លោកបានលើកឡើងថាថា ផ្ទៃមុខទាំងមូលរបស់នាងមិនធ្លាប់បានឆ្លងកាត់មុខកាំបិតនោះទេ។ លើសពីនេះទៅទៀត ត្របកភ្នែកពីរជាន់របស់ Baby គឺខុសពីត្របកភ្នែកដែលបានមកពីការវះកាត់។

Angelababy ឲ្យពេទ្យពិនិត្យ

២. Fan Bingbing

តារាសម្ដែងស្រី Fan Bingbing ជាតារាទីមួយដែលបានប្រើវិធីសាស្ត្រនេះនៅក្នុងវិស័យសិល្បៈចិន កាលពីឆ្នាំ២០០៦។ នៅពេលកេរ្តិ៍ឈ្មោះចាប់ផ្ដើមមានភាពល្បី Fan Bingbing ត្រូវរងនូវពាក្យចចាមអារ៉ាមជាច្រើននៅក្នុងនោះរួមមាននាងបានឆ្លងកាត់មុខកាំបិតនិងកន្ត្រៃដើម្បីមានសម្រស់ស្រស់ស្អាត។ ពិបាកចិត្តនឹងព័ត៌មានមិនពិតពីខ្លួនឯង មិត្តស្រីរបស់ Li Chen សម្រេចចិត្តទៅមន្ទីរពេទ្យពឹងវេជ្ជបណ្ឌិតពិនិត្យពីសម្រស់របស់ខ្លួន។

នៅមន្ទីរពេទ្យចិន-ជប៉ុន នៅទីក្រុងប៉េកាំង Fan Bingbing បានចំណាយពេល ២ ម៉ោងដើម្បីថត X-ray នៅលើផ្នែកជាច្រើននៅលើខ្លួនរួមមាន ក្បាល ច្រមុះ ភ្នែក មាត់ ស្បែក ចង្កា...។ លើសពីនេះទៅទៀត Bing Bing បានអញ្ជើញមេធាវី ក៏ដូចជាអ្នកកាសែតជាច្រើនដើម្បីធ្វើជាសាក្សីឲ្យនាង។

Fan Bingbing ឲ្យពេទ្យពិនិត្យ

ក្រោយពេលចេញលទ្ធផល វេជ្ជបណ្ឌិតបានបញ្ជាក់ថា Fan Bing Bing មិនធ្លាប់ឆ្លងកាត់ការកែសម្ផស្សនោះទេគឺនាងស្អាតដោយធម្មជាតិពិតៗ។

៣. Lin Chi Ling

ឆ្នាំ ២០១២ ពេទ្យកែសម្ផស្សម្នាក់នៅតៃវ៉ាន់ បានអះអាងថា Lin Chi Ling បានចាក់ Botox បន្តឹងស្បែកមុខ បូមដើមទ្រូង និងកែចង្កា ពេលបានឃើញរូបថតរបស់កំពូលតារាម៉ូដែលនេះកាលពីឆ្នាំ ២០០៣។

ភ្លាមៗនោះ តារាសម្ដែងតៃវ៉ាន់បានផ្ទុះកំហឹងយ៉ាងខ្លាំង ហើយបានសរសេរលើបណ្ដាញសង្គមផ្ទាល់ខ្លួនរបស់នាងថា "ខ្ញុំពិតជាក្ដៅក្រហាយខ្លាំងណាស់ មនុស្សខ្ញុំពិត ច្រមុះពិត ភ្នែកពិត ទ្រូងពិត ចិត្តគំនិតពិត ដូចនេះហើយគ្មានអ្វីត្រូវការកែច្នៃនោះទេ"។ បន្ទាប់មក Chi Ling បានបង្ហោះរូបដែលបានទទួលពីពេទ្យដែលបានសរសេរថា "មិនការប៉ះពាល់ពីមុខកាំបិត"។ វេជ្ជបណ្ឌិតដែលពិនិត្យឲ្យ Chi Ling ហ៊ានបោះពាក្យថា ហ៊ានយកបទពិសោធន៍ ៣០ ឆ្នាំរបស់ខ្លួនមកអះអាងថា Lin Chi Ling គឺស្អាតពីធម្មជាតិ។

Lin Chi Ling បង្ហាញក្រដាសបញ្ជក់របស់វេជ្ជបណ្ឌិត ថានាងមិនធ្លាប់វះកាត់កែសម្ផស្ប

៤. Kim Kardashian

ឆ្នាំ ២០១១ ដោយរងការចោទប្រកាន់ថា ខ្លួនបានពឹងពាក់មុខកាំបិតនិងកន្ត្រៃដើម្បីមានរូបរាងស្អាតក៏ដូចជាគូទធំតាមចិត្តនោះ តារាអាមេរិក Kim Kardashian បានសម្រេចចិត្តទៅពេទ្យថត X-ray ដើម្បីបង្ហាញគេឲ្យឃើញថានាងស្អាតធម្មជាតិ។ នាងបានគិតថានេះជាវិធីសាស្ត្រដែលមានប្រសិទ្ធភាពបំផុតក្នុងការបង្ហាញពីសម្រស់ធម្មជាតិរបស់ខ្លួន។

លទ្ធផល X-ray បានបង្ហាញឲ្យឃើញថា គូទរបស់ Kim Kardashian គឺពិតៗ ១០០%។ និយាយពីរូបរាងរបស់ខ្លួន Kim ប្រកាសទាំងអំនួតថា "ខ្ញុំមិនបដិសេធរឿងកែសម្ផស្សទេ តែនៅពេលនេះខ្ញុំពេញចិត្តនៅអ្វីដែលខ្លួនមាន និងគ្មានគំនិតចង់កែអ្វីទេ"៕