Sony ប្រាប់មូលហេតុដាក់រន្ធកាសលើ Xperia 1 II ឡើងវិញ
- 2020-06-11 08:32:57
- ចំនួនមតិ 0 | ចំនួនចែករំលែក 0
Sony ប្រាប់មូលហេតុដាក់រន្ធកាសលើ Xperia 1 II ឡើងវិញ
ចន្លោះមិនឃើញ
នៅលើ Sony Xperia 1 II ឃើញមានការនាំយកមកវិញនូវរន្ធដោតកាស 3.5mm ក្រោយពីក្រុមហ៊ុនបានដករន្ធកាសប្រភេទនេះលើ Flagship ដែលចេញនៅឆ្នាំ ២០១៨ និង ២០១៩ ពោលចាប់ស៊េរី Xperia XZ2 មកដល់ Xperia 1។
ថ្នាក់ដឹកនាំ Sony មួយរូបឈ្មោះ Uke Ikeda បានប្រាប់ដល់សារព័ត៌មាន Engadget Japan អំពីហេតុផលនៃការនាំយករន្ធកាសមកវិញថា ៖ "ហេតុផលដែលនាំយករន្ធកាស 3.5mm ត្រឡប់មកវិញ លើ Xperia 1 II គឺកើតចេញពីគំនិតតែមួយពេលយើងអភិវឌ្ឍន៍ Xperia 1 ដែលការគិតគឺ «ផ្ដល់ជូនស្មាតហ្វូនដែលមនុស្សនឹងចូលចិត្ត»”។ លោក Ikeda បានបន្ថែមថា Sony ក៏មានការយល់ឃើញថារន្ធកាសនេះគឺមិនអាចខ្វះបានសម្រាប់ការកម្សាន្ត ដូចជាការទស្សនាវីដេអូ និងការលេងហ្គេមជាដើម។
លោក Ikeda ក៏បានប្រាប់អំពីមូលហេតុដែល Sony សម្រេចចិត្ដករន្ធកាស 3.5mm ពី Flagship ចាប់ពីស៊េរី Xperia XZ2 គឺដោយសារតែក្រុមហ៊ុនចង់ពង្រឹងលើការឌីហ្សាញនៃស្មាតហ្វូន និងដោយហេតុផលថាកាសស្ដាប់ឥតប្រើខ្សែកាន់តែមានភាពពេញនិយម៕