Xiaomi បញ្ចេញលក់ Redmi K30 Pro ប្រភេទ RAM 12GB ភ្លាម បញ្ចុះតម្លៃភ្លែត!
- 2020-06-12 01:58:59
- ចំនួនមតិ 0 | ចំនួនចែករំលែក 0
Xiaomi បញ្ចេញលក់ Redmi K30 Pro ប្រភេទ RAM 12GB ភ្លាម បញ្ចុះតម្លៃភ្លែត!
ចន្លោះមិនឃើញ
Xiaomi បានបញ្ចេញលក់ Redmi K30 Pro ដែលមាន RAM ទំហំ ១២GB ជាមួយអង្គផ្ទុកទំហំ ១២៨GB។ ម៉ូដែលថ្មីនេះមានលក់តាមរយៈ Xiaomi Mall, JD.com និងហាងលក់រាយផ្លូវការរបស់ Xiaomi ដែលមានលក់បញ្ចុះតម្លៃក្នុងតម្លៃប្រមាណ ៤២៤ដុល្លារ ខណៈតម្លៃដើមគឺប្រមាណ ៥២៣ដុល្លារ។
Xiaomi និយាយថាការបន្ថែមទំហំ RAM នេះគឺដើម្បីបង្កើនសមត្ថភាព Multitasking របស់ស្មាតហ្វូន និងបង្កើនប្រតិបត្តិការពេលលេងហ្គេមផងដែរ។ ក្រៅពីបន្ថែម RAM ចំណុចផ្សេងៗទៀតនៅរក្សាដូចដើម ពោលមានអេក្រង់ទំហំ ៦,៦៧អ៊ីញ ប្រភេទ Super AMOLED, ឈីប Snapdragon 865 និងថ្មទំហំ ៤៧០០ mAh ដែលអាចសាកល្បឿន ៣០វ៉ាត់។
កាមេរ៉ា Selfie មានបង្កប់ក្នុងតួខ្លួនដែលមានទំហំ ២០MP ហើយកាមេរ៉ាក្រោយមានកាមេរ៉ាមេទំហំ ៦៤MP, កាមេរ៉ា Telephoto ទំហំ ៥MP អាច Zoom Optical 2x, កាមេរ៉ា Ultrawide ទំហំ ១៣MP និង Sensor វាស់ជម្រៅមួយ៕